કાશ્મીર ફાઈલ્સ વિવાદ બાદ ઈઝરાયલના રાજદૂત ડેમેજ કન્ટ્રોલની ભૂમિકામાં આવ્યા,માંગી માફી, કહી-આ મોટી વાત

ફિલ્મ ધ કાશ્મીર ફાઈલ્સ અંગે ઈઝરાયલના ફિલ્મ નિર્માતા નદવ લાપિદ તરફથી જે વિવાદાસ્પદ ટિપ્પણી કરવામાં આવી છે તેને લઈ ચોતરફથી ભારે વિરોધ થઈ રહ્યો છે. ઈઝરાયલ આ વિવાદ શરૂ થયો ત્યારે જ માફી માંગી ચુક્યું હતું. હવે ઈઝરાયલના રાજદૂત પોતે ભારત સાથેને સારા સંબંધની સ્થિતિમાં ડેમેજ કન્ટ્રોલની ભૂમિકામાં આવી ગયા છે. ભારત ખાતેના રાજદૂત કોબી શોશનીએ ધ કાશ્મીર ફાઈલ્સ અંગે ફિલ્મ પ્રોડ્યુસર નદવ લાપિદની ટિપ્પણીથી અંતર બનાવી લીધુ છે અને મંગળવારે કહ્યું કે આ ફિલ્મ અંગે વાદ-વિવાદથી ભારત અને ઈઝરાયલ વચ્ચે સંબંધ મજબૂત બનશે.
ઈઝરાયલના રાજદૂતે અનુપમ ખેરને બોલાવી માફી માગી
શોશનીએ અભિનેતા અનુપમ ખેર સાથેની એક મુલાકાત સમયે કહ્યું કે ધ કાશ્મીર ફાઈલ્સ દુષ્પ્રચાર નહીં પણ એક મજબૂત ફિલ્મ છે, જે કાશ્મીરી લોકોની પીડાને દેખાડે છે. તેમણે પત્રકારોને કહ્યું કે આજે સવારે સૌથી પહેલા મે અમારા મિત્ર અનુપમ ખેરની માફી માગવા માટે બોલાવ્યા. અમે આવા ભાષણને લઈ લઈ માફી માગી છે કે જે અન્ય લોકોનો વ્યક્તિગત અભિપ્રાય છે. લાપિદ તરફથી જે પણ ટિપ્પણી કરવામાં આવી છે તેને ઈઝરાયલ સરકાર સાથે સત્તાવાર રીતે કે બિનસત્તાવાર રીતે કોઈ જ લેવાદેવા નથી. તેમણે આ અગાઉ સોમવારે સાંજે પણ એક ટ્વિટ કરી કહ્યું હતું કે તેઓ આ ફિલ્મ અંગે અલગ અભિપ્રાય ધરાવે છે.

બોલવાની સ્વતંત્રતાનો લોકો પોતાના ફાયદા માટે ઉપયોગ કરે છે
ઈઝરાયલના રાજદૂત દ્વારા બોલાવી તેમની સમક્ષ માફી માગી ત્યારબાદ અનુપમ ખેરે જણાવ્યું હતું કે તેમણે (કોબ્બી શોશની)એ તેમને બોલાવ્યા અને માફી માગવા ઈચ્છતા હતા તેને લઈ તેમને ભારે આશ્ચર્ય થયું હતું. મે તેમને કહ્યું કે તેમણે આ માફી માગવાની જરૂર નથી, પણ મને લાગે છે કે આ તેમની ઉમદા વિનમ્રતા અને સારી બાબત છે. ઈઝરાયલના રાજદૂતે કહ્યું કે તેમને આ ફિલ્મ ખૂબ જ પસંદ આવી હતી. તે એક હકીકત છે અને અમારા તથા તમારા દેશમાં બોલવાની સ્વતંત્રતા છે તથા લોકો તેમના ફાયદા માટે થઈ ઉપયોગ કરે છે.