એક અનોખી સ્કૂલ, જ્યાં દરેક વિદ્યાર્થી બંને હાથથી એકસાથે બે અલગ-અલગ ભાષા લખી શકે છે!

દુનિયામાં 90 ટકા લોકો એવા છે જે જમણા હાથે લખે છે અને માત્ર 10 ટકા લોકો જ એવા છે જે ડાબા હાથથી લખે છે. પરંતુ દુનિયામાં ખૂબ ઓછા એવા લોકો છે જે બંને હાથથી લખી શકે છે. લિયોનાર્ડો દ વિંચી, બેન ફ્રેંકલિન, આલ્બર્ટ આઈન્સ્ટાઈન અને દેશના પહેલા રાષ્ટ્રપતિ ડો. રાજેન્દ્ર પ્રસાદ તેમાની જ મહાન વ્યક્તિઓ છે. પરંતુ કેવું થાય જો સ્કૂલમાં જ બાળપણના દિવસોથી જ બાળકોને બંને હાથથી લખવાની ટ્રેનિંગ આપવામાં આવે. આપણા દેશની એક જ સ્કૂલ એવી છે, જ્યાં ભણતું દરેક બાળક બંને હાથથી લખવાની ક્ષમતા ધરાવે છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:મધ્યપ્રદેશમાં બુધેલા ગામમાં વીણા વાદિની પબ્લિક સ્કૂલ છે. આ સ્કૂલમાં લગભગ 200 બાળકો ભણે છે અને તેમની પાસે બંને હાથથી લખવાની સ્કિલ છે. આ સ્કૂલની સ્થાપના પૂર્વ સૈનિક વી.પી. શર્માએ 1999માં કરી છે. તેઓ ડો. રાજેન્દ્ર પ્રસાદથી ખૂબ પ્રભાવિત છે. જેમનાથી પ્રેરિત થઈને તેમણે આ સ્કૂલની સ્થાપના કરી હતી.વી.પી. શર્માએ કહ્યું કે, ‘વીણા વાદિનીમાં પહેલા ધોરણથી અમે બંને હાથથી લખવાની ટ્રેનિંગ આપીએ છીએ. જ્યાં સુધી તે ત્રીજા ધોરણમાં પહોંચે ત્યાં સુધીમાં તે બંને હાથથી લખવામાં સહજ અનુભવવા લાગે છે. સાતમાં અને આઠમાં ધોરણ સુધીમાં તો વિદ્યાર્થીની સ્પીડ અને એક્યુરેસી પણ વધી જાય છે. દરેક બાળકને બંને હાથથી બે અલગ-અલગ ભાષામાં લખવાની ટ્રેનિંગ આપવામાં આવે છે’ એટલે કે દરેક બાળક એકસાથે અંગ્રેજી અને હિંદી એમ બે ભાષા લખી શકે છે.બંને હાથથી એકસાથે બે ભાષામાં લખવાની સ્કિલથી બાળકોને પણ લાભ થાય છે. સામાન્ય રીતે જે લખવામાં બાળકોને વધારે સમય જાય છે, તેને તેઓ અડધી કલાકમાં પૂરું કરી લે છે. આ સ્કૂલમાં બાળકોને દેવનગરી, ઉર્દૂ, સ્પેનિશ, રોમન, અંગ્રેજી સહિત છ ભાષા શીખવવામાં આવે છે.D-Martમાંથી ખરીદેલી બદામમાં નીકળી જીવાત