પેટા ચૂંટણી: કોંગ્રેસની હાર પર અમિત શાહે કર્યો કટાક્ષ

I am Gujarat

5માંથી 3 બેઠકો પર ભાજપની જીત

નવી દિલ્હી: ભાજપે રવિવારે 5માંથી ત્રણ વિધાનસભા બેઠકો પર પેટાચૂંટણીમાં મળેલી જીત બાદ કોંગ્રેસ પર કટાક્ષ કર્યો. પાર્ટી અધ્યક્ષ અમિત શાહે કહ્યું કે, તેમને આશા છે કે, આજના પરિણામો બાદ કોંગ્રેસ ફરીથી ‘નૈતિક જીત’નો દાવો નહીં કરે, જેવો ગુજરાતમાં તાજેતારમાં સંપન્ન થયેલી ચૂંટણીઓ બાદ કર્યો હતો.

અમિત શાહે ટ્વીટ કરી કોંગ્રેસ પર કર્યો કટાક્ષ

કોંગ્રેસની આ વાતનો આપ્યો જવાબ

શાહની પ્રતિક્રિયા કોંગ્રેસના એ નિવેદન બાદ આવી છે, જેમાં દેશની સૌથી જૂની પાર્ટીએ ગુજરાતની ચૂંટણીઓના પરિણામને ભાજપ માટે ‘મોટો ઝટકો’ અને પોતાના માટે ‘નૈતિક જીત’ જણાવ્યા હતા.

કઈ બેઠક પર કોણ જીત્યું

ઉલ્લેખનયી છે કે, રવિવારે અલગ-અલગ રાજ્યોની 5 વિધાનસભા બેઠકો માટે કરાવાયેલી પેટાચૂંટણીના પરિણામો જાહેર કરાયા હતા. તેમાં તમિલનાડુના આર કે નગરમાં એઆઈડીએમકેથી અલગ કરી દેવાયેલા ટીટીવી દિનકરણ જીત્યા હતા. તેઓ અપક્ષ તરીકે ચૂંટણી લડ્યા હતા. આ બેઠક એઆઈડીએમકેના ચીફ અને તમિલનાડુના મુખ્યમંત્રી જયલલિતાના નિધન બાદ ખાલી પડી હતી. તૃણમૂલ કોંગ્રેસના ગીતા રાની ભુંઈયાએ સબાંગ સીટ પરથી જીત મેળવી, જ્યાં તેમણે સીપીએમના રીતા મંડલને હરાવ્યા. ઉત્તર પ્રદેશની સિકંદરા સીટ પરથી ભાજપના અજિત પાલ સિંહે જીત્યા, જેમણે સમાજવાદી પાર્ટીના સીમા સચાનને હરાવ્યા. અરૂણાચલના પાકે-કેસાંગથી ભાજપના ઉમેદવાર વી આર વાઘેએ કોંગ્રેસના નેતા અને પૂર્વ ઉપમુખ્યમંત્રી કામેંગ ડોલેને હરાવ્યા. એ જ રીતે અરૂણાચલની જ લિકાબાલી બેઠક પરથી ભાજપના ઉમેદવારે પીપલ્સ પાર્ટી ઓફ અરૂણાચલના ઉમેદવારને હરાવ્યા.