નવી દિલ્હીઃ રફાલ ડીલ પર ફ્રાંસના પૂર્વ રાષ્ટ્રપતિ ફ્રાંસ્વા ઓલાંદના નિવેદન બાદ કોંગ્રેસ અધ્યક્ષ રાહુલ ગાંધી સતત મોદી સરકાર પર હુમલા કરી રહ્યા છે. શનિવારે પ્રેસ કોન્ફરન્સ કરીને રાહુલે આરોપ લગાવ્યો કે પહેલી વખત ફ્રાંસના કોઈ પૂર્વ રાષ્ટ્રપ્રમુખ આપણા પ્રધાનમંત્રીને ચોર કહી રહ્યા છે. તેમણે કહ્યું કે, ‘મને આશ્ચર્ય થાય છે કે હંમેશા બોલનારા પ્રધાનમંત્રી આ ગંભીર મુદ્દે ચૂપ છે. પ્રધાનમંત્રીએ ઓલાંદના નિવેદન પર ચોખવટ કરવી જોઈએ.’ આ પણ વાંચોઃ રાફેલ માટે ભારતીય પાર્ટનર સિલેક્ટ કરવામાં અમારો કોઈ રોલ નથીઃ ફ્રાન્સ
‘પીએમ મોદી રફાલ પર ખોટું બોલી રહ્યા છે’
તેમણે કહ્યું કે, ફ્રાંસના પૂર્વ રાષ્ટ્રપ્રમુખે ભારતના પીએમ અંગે એક નિવેદન આપ્યું છે. તેમણે રફાલ ડીલ અંગે કહ્યું કે, ‘અનિલ અંબાણીની કંપનીને પસંદ કરવામાં તેમનો કોઈ રોલ નહોતો. ભારત સરકારે જ તેમનો પ્રસ્તાવ આપ્યો હતો.’ રાહુલે આરોપ લગાવ્યો છે કે, ‘ઓલાંદના નિવેદનથી એ સ્પષ્ટ થાય છે કે પીએમ મોદી રાફેલ પર ખોટું બોલી રહ્યા છે. જો એવું નથી તો પીએમ મોદી આ બાબતે જવાબ આપે.’ આ પણ વાંચોઃ ‘ભારત સરકારે રાફેલ માટે આપ્યું હતું રિલાયન્સનું નામ’
શું પ્રધાનમંત્રીએ ભ્રષ્ટાચાર કર્યો છે?
રાહુલે કહ્યું કે પીએમ મોદી અને ઓલાંદની વન-ટુ-વન મીટિંગ થઈ હતી. રાહુલે આરોપ લગાવ્યો છે કે, ‘ફ્રાંસના પૂર્વ રાષ્ટ્રપ્રમુખ કહે છે કે અનિલ અંબાણીને હજારો કરોડનો કોન્ટ્રાક્ટ પીએમ મોદીના કહેવાથી મળ્યો, ઓલાંદ પીએમ મોદીને ચોર કહી રહ્યા છે. એવામાં ભારતીય પ્રધાનમંત્રીના મોઢેથી એક પણ શબ્દ આવી રહ્યો નથી.’ હવે ભારતીયોના મનમાં પણ ચાલી રહ્યું છે કે શું પ્રધાનમંત્રીએ ભ્રષ્ટાચાર કર્યો છે.
રક્ષામંત્રી સંસદમાં ખોટું બોલી રહ્યા છે
તેમણે કહ્યું કે પૂર્વ રક્ષામંત્રીએ કહ્યું કે ક્યારે કોન્ટ્રાક્ટ બદલાઈ ગયો તેમને ખબર જ નથી. નિર્મલા સીતારમન પહેલા કહે છે કે કિંમત જણાવીશું, પછી તેમણે ના પાડી દીધી. તેમની પર આરોપ લગાવતા કહ્યું કે રક્ષામંત્રી સંસદમાં ખોટું બોલી રહ્યા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.