મોટો ખુલાસોઃ CAA વિરુદ્ધ પ્રદર્શનમાં PFIનો હાથ, બેંક ખાતામાં 120 કરોડ જમા કરાવાયા હતા!

નવી દિલ્હીઃ ઉત્તરપ્રદેશમાં નાગરિકતા સંશોધન કાયદાના પ્રદર્શનકારીઓ અને પોપ્યુલર ફ્રંટ ઓફ ઇન્ડિયા વચ્ચે સીધો સંપર્ક હતો. એન્ફોર્સમેન્ટ ડીરેક્ટોરેટના એક રિપોર્ટમાં ચોંકવાનારા ખુલાસા થયા છે. જે મુજબ જે પણ વિસ્તારોમાં CAA વિરુદ્ધ હિંસા થઈ તેમાં PFIનો હાથ હોવાની પૂરી શક્યતા છે. રિપોર્ટ અનુસાર 73 બેંક ખાતમાં કુલ 120 કરોડ રુપિયા જમા કરાવવામાં આવ્યા હતા. આ રુપિાયનો ઉપયોગ પ્રદર્શન માટે કરવામાં આવ્યો હતો. પશ્ચિમ યુપીની અનેક બેંકોની બ્રાન્ચમાં જમા કરાવાયા રુપિયા અમારા સહયોગી ટાઇમ્સ નાઉના અહેવાલ અનુસાર EDના રિપોર્ટથી સ્પષ્ટ થાય છે કે ડિસેમ્બરમાં સંસદમાંથી CAA પાસ થયા બાદ પશ્ચિમ યુપીના હિંસાગ્રસ્ત વિસ્તારો બિજનૌર, હાપુડ, બહરાઈચ, શામલી અને ડાસનામાં આવેલ બેંકોના અનેક એકાઉન્ટમાં બહારથી રુપિયા નાખવામાં આવ્યા હતા. આ રિપોર્ટ મુજબ 73 ખાતામાં કુલ 120 કરોડ મોકલવામાં આવ્યા હતા. જેનો ઉપયોગ પ્રદર્શન માટે કરવામાં આવ્યો હતો. રિપોર્ટમાં જાણવા મળ્યું છે કે PFIના કાશ્મીર યુનિટને પણ 1.65 કરોડ રુપિયા મળ્યા હતા. ઈડીએ ગૃહ વિભાગને આ રુપિયાની લેવડદેવડ અંગે ચેતવ્યા પણ હતા. આ રિપોર્ટ યુપીમાં હિંસા માટે જવાબદાર PFIના અધ્યક્ષ વસીમ અહમદને ગત સપ્તાહે મળેલા જામીન બાદ આવ્યો છે. યુપી પોલીસ વસીમ વિરુદ્ધ મજબૂત પૂરાવા ભેગ કરવામાં અસક્ષમ રહી હતી. આ રિપોર્ટના ખુલાસા બાદ ભાજપે કહ્યું કે આ મામલે તપાસ થવી જોઈએ. ભાજપના નેતા અને કેન્દ્રીય મંત્રીએ કહ્યું કે જો કોઈ ખાસ દિવસ જ આ પ્રકારની શંકાસ્પદ લેણદેણ થાય છે તો તેની તપાસ થવી જોઈએ.