પાંચ દિવસની દીકરીને લઇ કમાન્ડર પતિના અંતિમ સંસ્કારમાં પહોંચી પત્ની

I am Gujarat

આસામમાં શહીદ વાયુસેનાના જવાન

ઘર પરિવારથી દૂર રહીને જટિલ પરિસ્થિતિઓમાં દેશની રક્ષા કરનાર સૈનિકોના પરિવારનું કાળજું પણ લોખંડી મનોબળથી છલોછલ હોય છે. પોતાના જ સ્વજનને ગુમાવ્યાનું દુઃખ ભૂલી દેશ માટે આપવામાં આવેલી તેમની શહીદીનું સન્માન કરવું આ પરિવાર પાસેથી શીખવું જોઇએ.આવું જ એક ઉદાહરણ આસામમાં શહીદ થનાર ભારતીય વાયુસેનાના સૈનિકના અંતિમ સંસ્કારમાં જોવા મળ્યું હતું.

વિમાન દુર્ઘટનામાં ગુમાવ્યો જીવ

ભારતીય વાયુસેનામાં વિંગ કમાન્ડર દુષ્યંત વત્સ 15 ફેબ્રુઆરીના રોજ માજુલી જિલ્લામાં માઇક્રોલાઇટ વિમાન દુર્ઘટનાગ્રસ્ત થતાં અવસાન પામ્યાં હતાં. તેની સાથે વિમાનમાં એક પાઇલોટનું પણ અવસાન થયું હતું. વત્સના અંતિમ સંસ્કારની એક તસવીર સોશિયલ મીડિયા પર વાઇરલ થઇ રહી છે.

બહાદુરીને કરી રહ્યાં છે સલામ

તસવીરમાં વત્સની પત્ની મેજર કુમુદ ડોગરા પોતાના પતિના અંતિમ સંસ્કારમાં જતાં દેખાઇ રહી છે. જોકે, આ દ્રશ્ય જોઇ કમકમાં ત્યારે છૂટી જાય છે જ્યારે વર્દીમાં આગળ વધતાં મેજર કુમુદના ગોદમાં તેની પાંચ દિવસની દિકરી જોવા મળે છે. નોંધનીય છે કે વિંગ કમાન્ડર વત્સ પોતાની દીકરીનું મોં પણ જોઇ શક્યાં નહોતાં. સોશિયલ મીડિયા પર આ ફોટો ખૂબ વાઇરલ થઇ રહ્યો છે. લોકો આ પરિવારની બહાદુરીને સલામ કરી રહ્યાં છે.