શોપિયાઃ સુરક્ષાદળોએ કર્યું ફાયરિંગ, શંકાસ્પદ હિલચાલની આશંકા

શોપિયાં/શ્રીનગરઃ દક્ષિણ કાશ્મીરના શોપિયા જિલ્લામાં સૈન્ય કેમ્પે ફાયરિંગ કર્યું છે. રિપોર્ટ અનુસાર શોપિયાના નગીશરાં વિસ્તારમાં સ્થિત સેનાની રાષ્ટ્રીય રાઈફલ્સ કેમ્પ પાસે શંકાસ્પદ ગતિવિધિનો આભાસ થતાં અહીં તૈનાત સુરક્ષાદળ દ્વારા ફાયરિંગ થયું હતું. કોઈ શંકાસ્પદ આતંકી પ્રવૃત્તિની આશંકાએ સેનાએ વિસ્તારની ઘેરાબંધી કરી છે. અમારા ન્યૂઝ Whatsapp પર મેળવવા અહીં ક્લિક કરો સૂત્રોના જણાવ્યાનુસાર બુધવારે સાંજે નગીશરા વિસ્તારમાં સ્થિત સેનાની 34 આરઆર કેમ્પ બહાર સેનાના જવાનોએ શંકાસ્પદ હિલચાલ જોઈ હતી. જેના પર કેમ્પની સુરક્ષામાં રહેલા જવાનોએ કોઈ અનિચ્છનિય ઘટના ન બને તે માટે કેટલાક રાઉન્ડ હવાઈ ફાયરિંગ કર્યાં હતાં. જે પછી તત્કાલ સુરક્ષા ડ્યૂટી પર રહેલા સુરક્ષાદળોએ સમગ્ર વિસ્તારની ઘેરાબંધી કરી હતી. જે પછી સેના અને સ્થાનીક પોલીસ ટીમની મદદથી નગીશરા અને આસપાસના વિસ્તારમાં તલાશી અભિયાન હાથ ધરવામાં આવ્યું હતું. નોંધનીય છે કે સેનાના જે કેમ્પ પાસે શંકાસ્પદ હરકતના ઈનપુટ મળ્યાં છે. તે દક્ષિણ કશ્મીરમાં સ્થિત છે. 14 ફેબ્રુઆરીના રોજ પુલવામાના આતંકી હુમલા પછી દક્ષિણ કાશ્મીરમાં હાઈ એલર્ટ જાહેર કરવામાં આવ્યું છે. જેને લઈને તમામ સેન્ય કેમ્પ અને સુરક્ષાદળોને સતર્ક રહેવાનું જણાવ્યું છે.