18,000થી વધુ ઢોરના મોત
આસામ સરકાર તરફથી જારી કરવામાં આવેલા આદેશમાં કહેવામાં આવ્યું છે કે જે વિસ્તારોમાં સ્વાઈન ફ્લૂની અસર જોવા મળી રહી છે ત્યાં રહેલા કુલ 12,000 જેટલા ભૂંડને મારી નાંખવામાં આવે. તેમણે આ માટે પશુ માલિકોને યોગ્ય વળતર ચૂકવવાનું પણ કહ્યું છે. સ્વાઈન ફ્લૂના કારણે અત્યાર સુધી આસામમાં 18,000થી વધુ ઢોરના મોત નીપજ્યા છે.
રાજ્યના 14 જિલ્લા અસરગ્રસ્ત થયા
રાજ્ય સરકારના એક નિવેદન અનુસાર, સ્વાઈન ફ્લૂથી રાજ્યના 14 જિલ્લા અસરગ્રસ્ત થયા છે. આ તમામ જિલ્લાના ત્રણ વિસ્તારોમાં અસરગ્રસ્ત પશુઓને મારવાનું કામ કરવામાં આવશે. આસામમાં કોરોના કાળ વચ્ચે સ્વાઈન ફ્લૂનો ચેપ રોકવા માટે સરકારે પ્રક્રિયા ઝડપી બનાવી છે. તેણે આદેશનું ઝડપથી પાલન કરવામાં આવે તેવું પણ કહ્યું છે.
ફેબ્રુઆરીમાં સામે આવ્યો હતો પ્રથમ કેસ
આફ્રિકન સ્વાઈન ફ્લૂ આસામમાં સૌથી પહેલા આ વર્ષે ફેબ્રુઆરી મહિનામાં સામે આવ્યો હતો. રાજ્ય સરકારના પ્રવક્તાએ જણાવ્યું છે કે ચેપ છ જિલ્લામાંથી વધુ ત્રણ જિલ્લામાં ફેલાયો છે. જેમાં માજુલી, ગોલાઘાટ અને કામરૂપ મેટ્રોપોલિટનમાં ફેલાયો છે. શરૂઆતમાં રાજ્યના છ જિલ્લામાં આ ચેપ ફેલાયો હતો જેમાં દિબ્રુગઢ, શિવસાગર, જોરહાટ, ધેમાજી, લખીમપુર અને બિશ્વનાથ જિલ્લાનો સમાવેશ થાય છે.