માત્ર 16 વર્ષની ઉંમરમાં મેળવ્યુ IITમાં એડમિશન

અભિનવ મલ્હોત્રા, કાનપુર: IITમાં એડમિશન લેનારા વિદ્યાર્થીઓમાં સૌથી નાની ઉંમરનો વિદ્યાર્થી વિભોર ગુપ્તા હશે. તેને જોઈને એવું જ લાગે કે તે સ્કુલમાં ભણતો હશે. વિભોર જેઈઈ એડવાન્સમાં કાનપુરનો સેકન્ડ ટોપર છે અને આઈઆઈટી-કાનપુર ઝોનમાં સાતમો નંબર મેળવ્યો છે. 2જી ઓગષ્ટના રોજ તે 17 વર્ષનો થઈ જશે. વિભોરના પિતા લવ કુમારે જણાવ્યું કે તે 16 વર્ષનો છે.

તેના પિતાએ જણાવ્યું કે, અમે ઔરૈયામાં રહીએ છીએ, પરંતુ વિભોરને સારું શિક્ષણ મળે તે માટે તેનું એડમિશન કાનપુરના સર પદમાપત સિંઘાનિયા એજ્યુકેશન સેન્ટરમાં કરાવ્યું. તે સ્કુલ પાસે એક ભાડાના રુમમાં રહેતો હતો અને જેઈઈ એડવાન્સની તૈયારી કરતો હતો. ભણવા સિવાય બીજા કોઈ કામ માટે તેની પાસે બિલકુલ સમય ના હતો.

વિભોરે જણાવ્યું કે આઈઆઈટી કાનપુરનું કમ્પ્યુટર સાયન્સ અને એન્જિનિયરિંગ ડિપાર્ટમેન્ટ સૌથી સારું છે . માટે તેણે ત્યાંથી જ બી.ટેક કરવાનો નિર્ણય લીધો છે.

વિભોર પહેલાં સાહલ કૌશિક સૌથી ઓછી ઉંમરનો વિદ્યાર્થી હતો જેણે 2010માં માત્ર 14 વર્ષની વયે આઈઆઈટી કાનપુરમાં એડમિશન મેળવ્યુ હતુ. તેણે એસએસસી ફિઝિક્સમાં પ્રવેશ લીધો છે.