જેલમાં એકસાથે 10 કેદીઓઓ HIVનો રિપોર્ટ પોઝિટિવ આવતા ખળભળાટ મચી ગયો

આઝમગઢઃ ઉત્તર પ્રદેશની આઝમગઢ જિલ્લા જેલમાં એક સનસનીખેજ મામલો સામે આવ્યો છે. અહીં 10 કેદીઓ એચઆઈવીથી સંક્રમિત મળી આવતા જેલ પ્રશાસનમાં ખળભળાટ મચી ગયો છે. આ તમામ કેદીઓ જિલ્લાની ઇટૌરા ખાતેની જિલ્લા જેલમાં બંધ છે. આરોગ્ય વિભાગ દ્વારા કેદીઓના આરોગ્ય અહેવાલ જેલ પ્રશાસન અને યુપી સરકારને મોકલવામાં આવ્યો છે. એચઆઈવીથી સંક્રમિત મળી આવેલા કેદીઓની હિસ્ટ્રી જાણવાના પ્રયાસો ચાલુ છે.

2500માંથી 1332 કેદીઓનો ટેસ્ટ કરવામાં આવ્યો
મળતી માહિતી મુજબ કોર્ટના આદેશ બાદ આઝમગઢની ઈટૌરા જેલમાં બનેલી હાઈટેક જેલમાં કેદીઓનો એચઆઈવી ટેસ્ટ કરવામાં આવી રહ્યો છે. હાલમાં જેલમાં 2500 કેદીઓ છે. અત્યાર સુધીમાં અડધા કેદીઓનો એચઆઈવી ટેસ્ટ કરવામાં આવ્યો છે. આ સમયગાળા દરમિયાન 10 કેદીઓમાં HIV સંક્રમણની પુષ્ટિ થઈ છે. કોઈપણ મહિલામાં ચેપ જોવા મળ્યો નથી. આરોગ્ય વિભાગ દ્વારા જાહેર કરવામાં આવેલા આંકડા મુજબ જેલમાં બંધ 2500 કેદીઓમાંથી 1332નો એચઆઈવી ટેસ્ટ કરવામાં આવ્યો છે.

10 કેદીઓનો રિપોર્ટ પોઝિટિવ આવતા ખળભળાટઆમાંથી 5 કેદીઓમાં HIV સંક્રમણની પુષ્ટિ થઈ છે. સાથે જ પાંચ કેદીઓના સેમ્પલ બીજી વખત કન્ફર્મેશન ટેસ્ટ માટે લેબમાં મોકલવામાં આવ્યા છે. સીએમઓએ જણાવ્યું છે કે સંક્રમિત દર્દીઓની તપાસ બાદ સારવાર કરવામાં આવશે. આ દર્દીઓને એન્ટી વાઈરલ દવાઓ આપવામાં આવશે. જરૂર પડશે તો દર્દીઓને અલગથી શિફ્ટ કરવામાં આવશે. સંક્રમિત દર્દીઓમાં ચાર કેદીઓ બલિયા જિલ્લાના છે જ્યારે 6 દર્દીઓ આઝમગઢ જિલ્લાના રહેવાસી છે.