પૂરમાં ડૂબ્યું આસામ, એથ્લિટ હિમા દાસે મદદ માટે દાન કરી અડધી સેલેરી

આંતરરાષ્ટ્રીય સ્તર પર ત્રિરંગાનું માન વધારનાર દેશની સ્ટાર એથ્લિટ હિમા દાસે આસામમાં પૂર પીડિતોને મદદ માટે પોતાની અડધી સેલેરી દાન કરી દીધી છે. તેણે ટ્વીટર પર આ વાતની જાહેરાત કરી હતી. તેણે દેશની મોટી કોર્પોરેટ કંપનીઓને પણ આસામની મદદ કરવા અપીલ કરી છે. અત્યારે આસામ પૂરની પરિસ્થિતિનો સામનો કરી રહ્યું છે. લાખો લોકો તેમાં ફસાયા છે. હિમાએ ઈન્ડિયન ઓઈલ કોર્પોરેશન તરફથી મળતી પોતાની સેલેરીનો અડધો હિસ્સો મુખ્યમંત્રી રાહત કોષમાં આપી દીધો છે. હિમા ઈન્ડિયન ઓઈલમાં HR અધિકારી છે. હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો હિમાએ સેલરીનો અડધો હિસ્સો દાન કરવાની વાત ટ્વીટર પર લખી હતી. તેણે જણાવ્યું, “મેં મારી તરફથી થોડો હિસ્સો પૂર પીડિતોને દાન આપ્યો છે. હું બીજા બધાને પણ અપીલ કરુ છું કે તે આસામના લોકોની મદદ કરે.” હિમા પોતે આસામના ધીંગની રહેવાસી છે. તેણે એમ પણ જણાવ્યું કે, “અમારા રાજ્ય આસામમાં પૂરના કારણે સ્થિતિ ખૂબ જ ગંભીર છે. રાજ્યમાં 33માંથી 30 જિલ્લા પર તેની અસર થઈ છે. હું મોટા કોર્પોરેટ્સ અને સામાન્ય લોકોને અપીલ કરુ છું કે તે આગળ આવી આ મુશ્કેલ પરિસ્થિતિમાં અમારા રાજ્યની મદદ કરે.” રિપોર્ટ અનુસાર પૂરને કારણે અત્યાર સુધીમાં 15 લોકોના મોત થયા છે. રાજ્યમાં 15 જુલાઈ પછી સ્થિતિ વણસી છે. 33માંથી 30 જિલ્લા પૂરની અસરમાં છે. અસમ ડિઝાસ્ટર મેનેજમેન્ટ ઓથોરિટીના રિપોર્ટ અનુસાર આસામના 4157 ગામમાં 42.87 લાખ લોકોને આ પૂરથી અસર પહોંચી છે. આ ઉપરાંત રાજ્યની 1,53,211 હેક્ટર ખેતીલાયક જમીન પાણીમાં ડૂબી ચૂકી છે.