ઔલી (ઉત્તરાખંડ): સાઉથ આફ્રિકાના ચર્ચાસ્પદ ઉદ્યોગપતિ ગુપ્તા બંધુઓના બાળકોના લગ્ન તાજેતરમાં જ ઉત્તરાખંડના ઔલી હિલ સ્ટેશન પર યોજાયા હતા. લગ્ન તો રંગેચંગે પૂરા થઈ ગયા છે પરંતુ હવે મ્યુનિસિપલ કોર્પોરેશન સામે લગ્નને કારણે થયેલા કચરાના ઢગલાને હટાવવાનો મોટો પડકાર ઊભો થયો છે. અજય ગુપ્તાના પુત્ર સૂર્યકાંતના લગ્ન 18થી 20 જૂન અને અતુલ ગુપ્તાના પુત્ર શશાંકના લગ્ન 20થી 22 જૂન દરમિયાન યોજાયા હતા. આઠ દિવસથી ઔલીમાં સેલિબ્રેશનનો માહોલ હતો. હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો અગાઉ પણ PIL થઈ હતી કે લગ્નની તૈયારીને કારણે હિલ સ્ટેશનના પર્યાવરણને ખાસ્સુ નુકસાન થઈ રહ્યું છે. આ હાઈ પ્રોફાઈલ લગ્નમાં અનેક રાજ્યોના મુખ્ય મંત્રીઓ, બોલિવુડ સ્ટાર કેટરિના કૈફ, યોગ ગુરુ બાબા રામદેવ હાજર રહ્યા હતા. બાબાએ લગ્નમાં બે કલાકનું યોગા સેશન પણ યોજ્યું હતું. મહેમાનોને લાવવા લઈ જવા માટે હેલિકોપ્ટર હાયર કરાયા હતા. આ લગ્ન માટે હિલ સ્ટેશનની લગભગ બધી જ હોટેલ્સ અને રિસોર્ટ્સ બુક કરી દેવાઈ હતી. લગ્ન માટે ફૂલો સ્વિત્ઝરલેન્ડથી મંગાવવામાં આવ્યા હતા. જોશીમઠની નગર પાલિકા પરિષદના સુપરવાઈઝર અનિલને 20 માણસોની ટીમ સાથે કચરાના નિકાલની જવાબદારી સોંપાઈ છે. આ ટીમના એક સભ્યએ જણાવ્યું, “લગ્નને કારણે હિલ સ્ટેશન પર કચરાના નિકાલનો મોટો પડકાર ઊભો થયો છે. કચરો 4000 કિલો કરતા પણ વધારે છે.” એક સ્થાનિકે ANIને જણાવ્યું, “હિલ સ્ટેશન પર જ્યાં જુઓ ત્યાં પ્લાસ્ટિકના પેકેટ અને બોટલ પડેલી દેખાય છે. અમારી ગાય એ વિસ્તારમાં રોજ ચારો ચરવા જાય છે. એ પ્લાસ્ટિક ખાઈ જાય તો શું કરવું? એ જવાબદારી કોણ લેશે? અહીં પરિસ્થિતિ ખરેખર ખૂબ જ ખરાબ છે.”
200 કરોડના લગ્ન પછી કચરાના ઢગમાં ફેરવાયું સુંદર હિલ સ્ટેશન, 4000 કિલો કચરો ઠલવાયો
THE ECONOMIC TIMES 24 Jun 2019, 2:12 pm