શહીદની માતાનું ડોક્ટર અલ્તાફ શેખે કર્યું ફ્રીમાં ઓપરેશન, Video જોનારા થઈ રહ્યા છે ભાવુક

મહારાષ્ટ્રના ઔરંગાબાદના એક યુરોલોજિસ્ટની પ્રશંસા થઈ રહી છે. રાજકારણીઓથી લઈને અનેક મોટી હસ્તીઓ તેમની પ્રશંસા કરી રહ્યા છે. તેમણે દેશ માટે શહીદ થનારા એક જવાનની માતાની મફતમાં સારવાર કરી છે. જ્યારે સારવાર પૂર્ણ થયા બાદ તેમને રજા આપવામાં આવી ત્યારે તેમણે ડોક્ટરને ગળે લગાવી અને રડવાનું શરૂ કર્યું. આ વિડીયો સોશિયલ મીડિયા પર ઝડપથી વાયરલ થઈ રહ્યો છે.

આઈપીએસ અધિકારી દિપંશુ કાબરાએ પણ આ વિડીયો પર પ્રતિક્રિયા આપી છે. વિડીયોમાં જોઇ શકાય છે કે ડોક્ટર અલ્તાફ શેખને એક વૃદ્ધ મહિલાને ગળે લગાવીને રડતી જોવા મળી રહી છે. આ ક્લિપ સોશિયલ મીડિયા પર એકદમ વાયરલ થઈ છે. મહારાષ્ટ્રના પીડબ્લ્યુડી મંત્રી અને કોંગ્રેસના નેતા અશોક ચવ્હાણે કહ્યું કે જ્યારે તેમને ડોક્ટર વિશે ખબર પડી, ત્યારે તેમણે અલ્તાફને ફોન કર્યો અને તેમની સંવેદનશીલતા બદલ તેમની પ્રશંસા કરી.


આઈપીએસ અધિકારીએ આ વિડીયોને રીટ્વીટ કરીને લખ્યું કે, "શહીદની માતાએ એક પુત્ર ગુમાવ્યો છે, પરંતુ તેના 135 કરોડ પુત્ર અને પુત્રીઓ છે." દેશ માટે બલિદાન આપનારા શહીદોના પરિવારની સંભાળ લેવા આપણે સૌએ ડો.સાહેબ પાસેથી પ્રેરણા લેવી જોઈએ.

મલ્ટિસ્પેશ્યાલિટી હોસ્પિટલના યુરો સર્જન ડો.શેખે પી.ટી.આઇ. સાથે વાત કરતાં કહ્યું કે, શાંતાબાઈ સોરદ ખૂબ ગરીબ છે અને કિડનીને લગતી બીમારીના કારણે પીડાઈ રહ્યા હતી. તેમને સર્જરી માટે પૈસાની જરૂર હતી. તેમના એક પુત્રનું હૃદયરોગના હુમલોથી મૃત્યુ પામ્યો હતો જ્યારે બીજા એક પુત્ર સાત વર્ષ પહેલા જમ્મુ-કાશ્મીરના કુપવાડામાં શહીદ થયો હતો. તેમની સારવાર મફતમાં કરાવી શકાય તે માટે મેં હોસ્પિટલ મેનેજમેન્ટ સાથે વાત કરી હતી. શહીદ પુત્રનું પેન્શન તેમની વિધવા પત્ની પાસે જાય છે અને માતા શાંતાબાઈ પાસે હાલ આવકનો કોઈ સ્રોત નથી.