વાઈરલ થઈ હતી ઘરની બહાર ચા પી રહેલા ડૉક્ટરની તસવીર, CMએ કર્યા હતા વખાણ પણ હવે કરી બદલી

મધ્યપ્રદેશઃ ભોપાલના CMHO રહેલા ડૉ સુધીર ડેહરિયાની તસવીર અઠવાડિયા પહેલા ખૂબ જ વાઈરલ થઈ હતી. આ તસવીર જોઈને સમગ્ર દેશે તેમના જુસ્સાને બીરદાવ્યો હતો. સીએમ શિવરાજસિંહ ચૌહાણે પણ તેમના ખૂબ જ વખાણ કર્યા હતાં. તે દિવસ સુધી ભોપાલમાં કોરોનાના વધારે કેસ સામે નહોતા આવ્યાં જોકે, ભોપાલમાં વધતા જતા કેસને લઈને હવે સ્વાસ્થ્ય વિભાગે ભોપાલ સીએમએચઓના પદેથી તેમની ટ્રાન્સફર કરી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોહકીકતમાં કોરોનાના કહેર વચ્ચે ડૉ સુધીર ડેહરિયા પાંચ દિવસ પછી પોતાના ઘરે પહોંચ્યા હતાં. પરિવારના લોકો સુધી સંક્રમણ ન પહોંચે તે માટે તેમણે દરવાજા પાસે બેસીને ચા પીધી હતી. ચા પીતા પીતા તેઓ ફેમિલીના લોકો સાથે વાત કરતા રહ્યાં અને ફેમિલી તેમની સાથે. કોઈ એકબીજાની નજીક ગયું નહોતું. આ તસવીર સોશિયલ મીડિયા પર વાઈરલ થઈ અને દરેકે ખૂબ જ વખાણ કર્યા હતાં.શિવરાજસિંહે પણ કરી હતી સલામડૉ સુધીર ડેહરિયાની તસવીરને ટ્વીટ કરતા સીએમ શિવરાજ સિંહ ચૌહાણે 31 માર્ચના રોજ લખ્યું હતું કે મળો, ડૉ સુધીર ડેહરિયાને, જે ભોપાલ જિલ્લાના સીએમએચઓ છે. સોમવારે તેઓ પાંચ દિવસ પછી ઘરે પરત ફર્યા. ઘરની બહાર બેસીને ચા પીધી, પરિવારના હાલચાલ પૂછ્યા અને બહારથી જ હોસ્પિટલ પરત ફર્યા હતાં. ડૉક્ટર ડેહરિયા અને તેમના જેવા હજારો-લાખો કોરોના વોરિયર્સને મારા શત શત નમન. અમને તમારા પર ગર્વ છે.આઠ દિવસ પછી થઈ ટ્રાન્સફરજે દિવસે શિવરાજ સિંહે આ ટ્વિટ કરી હતી ત્યારે ભોપાલમાં કોરોનાના દર્દીઓની સંખ્યા 10ની નીચે હતી. 8 એપ્રિલના રોજ દર્દીઓની સંખ્યા 91 થઈ છે. આથી સીએમએચઓનું ટ્રાન્સફર થયું હોવાનું માનવામાં આવે છે. ડૉ. સુધીર ડેહરિયાનું ટ્રાન્સફર ભોપાલથી નજીક સીહોર જિલ્લામાં કરવામાં આવ્યું છે. જો, સીહોરના સીએમએચઓ ડૉ.પ્રભારકર તિવારીને ભોપાલના સીએમએચઓ બનાવવામાં આવ્યાં છે.સ્વાસ્થ્ય વિભાગના અનેક ઓફિસર્સ સંક્રમિતએવું માનવામાં આવે છે કે ભોપાલમાં શરુઆતના દિવસોમાં જ સ્વાસ્થ્ય વિભાગ તરફથી લાપરવાહી રાખવામાં આવી હતી. ભોપાલમાં કોરોનાના 91 સંક્રમિત દર્દી છે, જેમાં 30 સ્વાસ્થ્ય વિભાગના કર્મચારીઓ છે. જે પછી શિવરાજ સિંહ એક્શનમાં આવ્યાં છે. કોરોના સંક્રમિત સ્વાસ્થ્ય વિભાગના અગ્ર સચિવ પલ્લવી જૈન ગોવિલને પણ હટાવવામાં આવ્યાં છે.

લૉકડાઉનમાં પોલીસના ડ્રોનને જોઈને ઝાડ પાછળ સંતાઈ ગયો અને પછી…