ભૂમાતા બ્રિગેડની તૃપ્તિ દેસાઈએ લગ્નનું વચન તોડનાર યુવકને ચપ્પલથી માર્યો

પુણેઃ ભૂમાતા બ્રિગેડની તૃપ્તિ દેસાઈ બુધવારે એક અલગ અંદાજમાં જોવા મળી. તૃપ્તિ એક વીડિયોમાં ચપ્પલ વડે એક યુવકની ધોલાઈ કરતી નજરે પડી રહી છે. યુવક પર આરોપ છે કે, તેણે એક યુવતીને આપેલું લગ્નનું વચન તોડ્યું છે. તૃપ્તિ સાથે અન્ય લોકો પણ વીડિયોમાં જોવા મળી રહ્યા છે, જેઓ યુવકની મારપીટ કરી રહ્યા છે.

વીડિયોમાં સ્પષ્ટ દેખાઈ રહ્યું છે કે, તૃપ્તિ સાથે કેટલાક લોકો યુવકને માર મારી રહ્યા છે. આસપાસ કેટલાક લોકોનાં ટોળાં એકઠાં થઈ ગયાં છે. ભૂમાતા બ્રિગેડની આગેવાની સાથે એક મહિલા અન્ય વ્યક્તિને પણ માર મારતી જોવા મળી રહી છે. #WATCH: Bhumata Brigade activist Trupti Desai thrashed a man for allegedly breaking marriage promises,in Pune (Maha)https://t.co/KC4ZXOY4gH— ANI (@ANI_news) July 27, 2016 વીડિયોમાં તૃપ્તિ દેસાઈ યુવકની મારપીટ દરમિયાન મરાઠીમાં કશુંક બોલી રહી છે. તે તેની ચપ્પલ ઉતારીને યુવકને ધમકાવતા માર મારી રહી છે. શનિ શિંગનાપુર મંદિરમાં મહિલાઓના પ્રવેશ માટે તૃપ્તિએ ભૂમાતા બ્રિગેડનું નેતૃત્વ કરી ઝુંબેશ ચલાવી હતી. આ સાથે હાજી અલી દરગાહમાં પણ મહિલાઓના પ્રવેશ માટે ઝુંબેશ ચલાવી હતી.