ચીન અને નેપાળ બાદ આ ટચૂકડા પાડોશી દેશે વધારી ભારતની ચિંતા

ગુવાહાટીઃ એક તરફ ભારત કોરોના વાયરસ અને નબળા અર્થતંત્ર સામે લડી રહ્યું છે ત્યાં હાલમાં પાડોશી દેશો પણ ભારત માટે મુશ્કેલી બની રહ્યા છે. એક તરફ લદાખ સરહદે એલએસી પર ચીન સાથે ઘર્ષણ ચાલી રહ્યું છે તો ચીનના ખૂંટે બંધાઈને નેપાળ પણ ભારત સામે લાલ આંખ કરી રહ્યું છે. જ્યારે પાકિસ્તાન તો શરૂઆતથી જ ભારત માટે માથાનો દુખાવો રહ્યું છે. હવે આમાં ભૂતાનનો ઉમેરો થયો છે. આમ તો ભૂતાન સાથે ભારતના સંબંધો ઘણા સારા રહ્યા છે પરંતુ હવે તેણે આસામના બક્સા જિલ્લામાં ખેડૂતોને પાણી આપવાનું બંધ કરી દીધું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોબક્સાના ખેડૂતો ભૂતાનના આ વર્તનથી ઘણા પરેશાન છે અને વિરોધ પ્રદર્શન કરી રહ્યા છે. બક્સા જિલ્લાના 26થી વધારે ગામના અંદાજીત 6,000 ખેડૂતો સિંચાઈ માટે ડોંગ પરિયોજના પર આધાર રાખે છે. 1953થી સ્થાનિક ખેડૂતો પોતાની ખેતરોમાં સિંચાઈ ભૂતાનથી આવતી નદીઓના પાણીથી કરે છે.છેલ્લા બે-ત્રણ દિવસોથી બક્સાના ખેડૂતો અને તમામ સિવિલ સોસાયટી સંગઠનો તેના વિરોધમાં પ્રદર્શન કરી રહ્યા છે. સોમવારે પ્રદર્શનકારીઓએ ઘણા કલાકો સુધી પ્રદર્શનકર્તાઓએ રોંગિયા-ભૂતાન માર્ગ જામ કરી દીધો હતો. ખેડૂતોએ માંગણી કરી છે કે કેન્દ્ર સરકાર ભૂતાન સામે આ મુદ્દાને ઉઠાવે અને આ સમસ્યાનું સમાધાન લાવે.હકીકતમાં પ્રત્યેક વર્ષે આ સિઝનમાં ભારતના ખેડૂતો ભારત-ભૂતાન સરહદ પર સમદ્રુપ જોંગખાર વિસ્તારમાં જાય છે અને કાલા નદીના પાણીને પોતાના ખેતરોમાં લાવીને સિંચાઈ કરે છે. આ વર્ષે કોરોના વાયરસના કારણે ભૂતાને ભારતીય ખેડૂતોને પ્રવેશ આપવાનો ઈનકાર કરી દીધો છે. જોકે, ખેડૂતોનું કહેવું છે કે જ્યારે તમામ પ્રકારના આંતરરાષ્ટ્રીય પ્રોટોકોલનું પાલન કરવામાં આવે છે તો સિંચાઈમાં શું સમસ્યા છે. જોકે, આ અંગે હજી સુધી રાજ્ય અને કેન્દ્ર સરકારે કોઈ પ્રતિક્રિયા આપી નથી.