બિહારઃ ત્રણ વાર બિહારના મુખ્યમંત્રી રહેલા ડૉ. જગન્નાથ મિશ્રાનું 19 ઓગસ્ટના રોજ દિલ્હીમાં લાંબી બીમારી પછી નિધન થયું હતું. બુધવારે સુપૌલ જિલ્લામાં આવતા પૈતૃક ગામ બલુઆમાં અંતિમ સંસ્કાર કરવામાં આવ્યાં હતાં. આ દરમિયાન વહીવટી સ્તર પર સમગ્ર તૈયારીઓ પૂરી થઈ ગઈ હોવાનો દાવો કરવામાં આવ્યો. હવે જ્યારે સમય આવ્યો ડૉ.જગન્નાથ મિશ્રને રાજકીય સન્માન સાથે અંતિમ વિદાયનો ત્યારે પોલીસ કર્મચારીઓની 21 બંદૂકમાંથી એકપણ ફૂટી નહોતી. આ જોઈને વહીવટી તંત્રના હોશ ઉડી ગયા હતાં. આશ્ચર્યની વાત તો એ હતી કે આ સમગ્ર ઘટનાક્રમ દરમિયાન મુખ્યમંત્રી નીતિશ કુમારની પણ હાજરી હતી.
પોલીસની ઉડી રહી છે મજાકડૉ.જગન્નાથ મિશ્રનું પાર્થિવ શરીર બલુઆ પહોંચ્યું હતું. જ્યાં મોટી સંખ્યામાં લોકો તેના અંતિમ દર્શન માટે પહોંચ્યા હતાં. જે પછી સમગ્ર વિધિ-વિધાન સાથે તેનો અંતિમ સંસ્કાર કરવામાં આવ્યાં હતાં. રાજકીય સન્માન સમયે એક પણ ગોળી ન ચલાવી શકવાના કારણે બિહાર પોલીસની લોકો મજાક ઉડાવી રહ્યાં છે. આ સમગ્ર ઘટનામાં અમારા સહયોગી એનબીટી ઓનલાઈને એસપી એમકે ચૌધરી સાથે વાત કરી હતી.
એસપીએ કરી આવી સ્પષ્ટતાસુપૌલ એસપી એમકે ચૌધરીએ કહ્યું હતું કે,’તેમાં એમ્પ્ટી કાર્ટિઝ ફાયર કરવામાં આવે છે. જેમાં માત્ર અવાજ જ થાય છે. લાઈવ કારતૂસ હોતા નથી. લાઈવ કારતૂસ ડ્યૂટી દરમિયાન જ વાપરવામાં આવે છે. આ બ્લેન્ક કારતૂસ હોય છે. જેમાં માત્ર સ્પાર્ક સાથે અવાજ જ ઉત્પન્ન થાય છે. અમે તપાસ કરી રહ્યાં છે કે આ કારતૂસોમાં શું સમસ્યા હતી. કઈ બેચની કારતૂસ હતી. ક્યારે આવી હતી. ક્યારથી તેનો ઉપયોગ થયો નહોતો વગેરે… આ ઘટનાની તપાસ થયા પછી જ અમે તારણ પર આવી શકીશું.’
ત્રણ વાર રહ્યા હતાં મુખ્યમંત્રીનોંધનીય છે કે જગ્નનાથ મિશ્રા પહેલીવાર 1975માં રાજ્યના મુખ્યમંત્રી બન્યા અને એપ્રિલ 1977 સુધી આ પદ પર રહ્યાં હતાં. જે પછી 1980 સુધી તેમણે ત્રણ વર્ષ માટે મુખ્યમંત્રીની કમાન સંભાળી હતી. 1989માં મિશ્રા ત્રણ મહિના માટે સીએમ બન્યાં હતાં. કોંગ્રેસ પાર્ટીમાં રહેતાં જ મિશ્રા ત્રણ વાર બિહારના મુખ્યમંત્રી રહ્યાં હતાં. મિશ્રાએ બિહારમાં કોંગ્રેસને ઉંચાઈઓ પર પહોંચાડી હતી. હાલ તે જેડીયુના સભ્ય હતાં. મિશ્રા બિહારમાં 950 કરોડ રુપિયાના ચારા કૌભાંડમાં પણ ફસાયા હતાં. 1996માં સામે આવેલા આ મામલામાં બિહારના પૂર્વ સીએમ લાલુ પ્રસાદ યાદવ પણ જેલમાં સજા કાપી રહ્યાં છે.
નીતિશ કુમારે બિહારના પૂર્વ મુખ્યમંત્રીને આપી હતી શ્રદ્ધાંજલિ 