એક્સપ્રેવે પરથી 40 ફૂડ ઉંડા ખાડામાં પડ્યો બાઈક સવાર, હેલ્મેટે બચાવ્યો જીવ

નોઈડાઃ યમુના એક્સપ્રેસ વે પર ઝીરો પોઇન્ટથી 500 મીટર પર એક રેસિંગ બાઈક રેલિંગ સાથે અથડાઈ હતી અને આ દુર્ઘટનામાં બાઈક ચાલક યુવક એક્સપ્રેસ વેની નજીક આવેલા 40 ફૂટ ઉંડા ખાડામાં પડી ગયો હતો. જોકે તેને પહેરેલી હેલ્મેટના કારણે તેનો જીવ બચી ગયો હતો. રસ્તા પરથી પસાર થતા લોકો તાત્કાલિક ઈમર્જન્સી સેવાને મદદ માટે કોલ કરીને યુવકને હોસ્પિટલમાં દાખલ કરાવ્યો હતો. ઈજાગ્રસ્ત યુવક આ સમયે ભાનમાં ન હોવાના કારણે તેની ઓળખ થઈ શકી નહોતી. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો નોલેજ પાર્ક પોલીસ સ્ટેશનના ઈન્સપેક્ટર અરવિંદ પાઠકે કહ્યું કે, મંગળવારે સાંજે લગભગ 6 વાગ્યે તેમને માહિતી મળી કે રેલિંગ સાથે એક બાઈક ટકરાઈ ગઈ છે અને યુવક નીચે ખાડા માં પડી ગયો છે. પ્રત્યક્ષદર્શીઓનું કહેવું હતું કે હેલ્મેટ પહેરેલું હોવાના કારણે યુવકનો જીવ બચી ગયો હતો. બાઈક ખૂબ જ સ્પીડમાં હતું અને તેનો કંટ્રોલ ગુમાવી દેવાના કારણે રેલિંગ સાથે જઈ અફડાયું હતું. મહત્વનું છે કે સરકારે રોડ-ટ્રાન્સપોર્ટના નિયમો તોડવા સંબંધી દંડને બેગણાથી વધારીને 8 ગણો કરી નાખ્યો છે. આ પહેલા વગર હેલ્મેટ બાઈક કે સીટ બેલ્ડ વગર કાર ચલાવતા 100 રુપિયા દંડ થતો હતો જે હવે ઓછામાં ઓછો રુ.500 થશે.. મહત્વનું છે કે સરકાર અને અન્ય વિવિધ એજન્સીઓ દ્વારા સતત બાઈક સવારોને હેલ્મેટ પહેરવા માટે પ્રોત્સાહિત કરવામાં આવે છે.