Bjp Eyes 120 Weak Seats To Ensure Victory In 2019 Lok Sabha Polls
2019માં જીત માટે ભાજપની તૈયારી, 120 'નબળી' બેઠકો પર નજર
TNN30 Apr 2017, 8:49 am
2019 માટે ભાજપની તૈયારીઓ શરૂ!
નવી દિલ્હીઃ 2019ની સામાન્ય ચૂંટણીને હજુ 2 વર્ષનો સમય બાકી છે ત્યારે ભાજપે અત્યારથી તૈયારીઓ શરુ કરી દીધી છે. દેશભરમાં પોતાની પક્કડને મજબૂત બનાવવા માટે પાર્ટીએ તૈયારીઓ શરૂ કરી કરી દીધી છે. ભાજપે 120 એવી લોકસભા બેઠકોની તપાસ કરી છે, જ્યાં 2014માં સારું પ્રદર્શન નહોતી કરી શકી, પણ 2019માં તેના પર સારું પ્રદર્શન કરવાની આશા છે. આ બેઠકોને મજબૂત બનાવવાના મુદ્દાને ધ્યાનમાં રાખીને ભાજપ કાર્યકર્તાઓને કહેશે કે ત્યાંના લોકોની સાથે નિયમિત રીતે સંપર્કમાં રહે અને તેમને મળીને પાર્ટીની વિચારધારા તથા મોદી સરકારની ઉપલબ્ધીઓની માહિતી આપે.
લક્ષ્યા હાંસલ કરવા કાર્યકર્તાઓને કામે લગાડાશે
પાછલા કેટલાક સમયથી દેશમાં થયેલી અલગ-અલગ ચૂંટણીમાં જીત મેળવ્યા બાદ ભાજપ ખુશ થઈને શાંત બેસવા નથી માગતું, પણ પાર્ટી થિંકટેક નવી જગ્યાઓ પર જીત મેળવવાની રણનીતિ બનાવવામાં લાગી ગયું છે. આ આખી કવાયતનું કારણ આગામી લોકસભાની ચૂંટણીમાં જીતને વધુ મોટી બનાવવાનો છે.પાર્ટીના એક વરિષ્ઠ નેતાઓ અમને જણાવ્યું, ‘અમે આ દાવો કરી શકીએ છીએ કે, 2014માં અમે જે-જે બેઠકો જીતી હતી, તે બધી અમે ફરી જીતી જ જઈશું. એવામાં વધુ સંભાવનાઓ શોધવાનો સારો વિકસ્પ છે.’ આ નેતાએ વિશ્વાસ વ્યક્ત કરતા જણાવ્યું કે આગામી લોકસભાની ચૂંટણીમાં ભાજપ દક્ષિણ અને પૂર્વ વિસ્તારમાં સારું પ્રદર્શન કરશે. BJP નેતાએ જણાવ્યું કે પાર્ટી જલદી જ 120 બેઠકોના નામની જાહેરાત કરાશે. તેમણે કહ્યું, પાર્ટીના કાર્યકર્તાઓને સત્તાવાર રીતે આ માટેની કામગીરી પણ સોંપવામાં આવશે.
અમિત શાહ આ ‘120’ બેઠકોને મજબૂત બનાવશે
વિરોધ પક્ષો જ્યાં ભાજપને ટક્કર આપવા માટે ગઠબંધનની કોશિશોમાં લાગ્યા છે ત્યારે 2019ની ચૂંટણીમાં હજુ ભાજપ સૌથી આગળ દેખાઈ રહ્યું છે. પાર્ટી પોતાની તરફથી ચૂંટણીની તૈયારીઓમાં લાગી ગઈ છે તે સ્પષ્ટ થઈ રહ્યું છે. બૂથ લેવલ કાર્યકર્તાઓથી ળઈને રાષ્ટ્રીય સ્તર સુધી ભાજપના તમામ સ્તરો સક્રીય દેખાઈ રહ્યા છે. પાર્ટી અધ્યક્ષ અમિત શાહ પોતે પાંચ રાજ્યો- પશ્ચિમ બંગાળ, ઓડિશા, તેલંગાણા, લક્ષદ્વિપ અને ગુજરાતનો પ્રવાસ કરશે. તેમનો આ કાર્યક્રમ 95 દિવસનો છે. તેનાથી એ સંકેત મળી રહ્યા છે કે, 120 બેઠકોની વાત થઈ રહી છે, તેમાંથી મોટાભાગની બેઠકો આ રાજ્યોની હોઈ શકે છે. ઉલ્લેખનીય છે કે અમિત શાહ ત્રણ દિવસના બંગાળ પ્રવાસ બાદ પાછા ફર્યા છે અને તેઓ જમ્મુના પ્રવાસે છે.
આ છે પાર્ટીને મજબૂત બનાવવાનો ભાજપનો પ્લાન
ભાજપના અન્ય નેતાએ આ અંગે વાત કરીને જણાવે છે કે, ‘અમિત શાહ સપ્ટેમ્બર સુધી નક્કી કરેલા રાજ્યોનો પ્રવાસ કરશે. જ્યાં બૂથ સ્તરથી લઈને બુદ્ધિજીવીઓ સુધી વિમર્શ અને સંપર્ક બનાવવા પર ધ્યાન આપશે.’ ભાજપ પહેલા જ કહી ચુક્યું છે કે, પશ્ચિમ બંગાળ અને ઓડિશાને લઈને તેઓ આક્રામક રણનીતિ બનાવવાના છે. પાર્ટીને આશા છે કે તેલંગાણા પણ તેમનું પ્રદર્શન ખાસ્સું સુધરી શકે છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.