BJPનો ઉપવાસ, કાજુ ખાતા કેમેરામાં કેદ થયા પાર્ટીના વરિષ્ઠ નેતા

દહેરાદૂનઃ પીએમ નરેન્દ્ર મોદી, બીજેપી સાંસદો અને અન્ય પાર્ટીના નેતાઓએ કોંગ્રેસ દ્વારા સંસદનું બજેટ સત્ર ન ચાલવા દેવાના વિરોધમાં ગુરુવારે ઉપવાસ કર્યો. આ બધા વચ્ચે ઉત્તરાખંડથી વરિષ્ઠ પાર્ટીના નેતા હરક સિંહ રાવત કાજૂ ખાતા કેમેરામાં કેદ થઈ ગયા. રાવતના કાજુ ખાવાની તસવીર વાઈરલ થતા તેમણે લોકોની સફાઈ આપી કે ભૂલથી કાજુ ખાઈ લીધું હતું. રાવતે સ્વીકાર કર્યું કે તેમણે કાજૂ ખાધા છે. બીજેપી નેતાએ કહ્યું, ‘બધી પાર્ટીના નેતાઓએ ઉપવાસ કર્યો પરંતુ ભૂલથી એક કાર્યક્રમમાં મેં કાજુ ખાઈ લીધા.’ બીજી તરફ વિપક્ષી દળોએ તેની નિંદા કરવા પર બીજેપીએ સફાઈ આપી છે. બીજેપી પ્રવક્તા સુધાંશુ ત્રિવેદીએ કહ્યું, જો કોઈએ આ પ્રકારનું કાર્ય કર્યું છે તો તે ખોટું છે. આ નિંદા કરવા યોગ્ય છે. જોકે તબિબિ આધાર પર તેની અનુમતિ આપી શકાય છે. આથી થોડા દિવસો અગાઉ કોંગ્રેસના ઉપવાસ દરમિયાન કેટલાક નેતાઓ છોલે-ભટૂરે ખાતા દેખાયા હતા, જેની બીજેપીએ ખૂબ નિંદા કરી હતી. જણાવી દઈએ કે પીએમ મોદી, અમિત શાહ સહિત પાર્ટીના બધા વરિષ્ઠ નેતાઓએ ગુરુવારે ઉપવાસ કર્યો હતો. બીજેપીના રાષ્ટ્રીય અધ્યક્ષ અમિત શાહે કર્ણાટકના ધારવાડમાં ઉપવાસ કર્યો. આ દરમિયાન શાહે રાજ્યની સિદ્ધારમૈયાના નેતૃત્વવાળી કર્ણાટક સરકાર પર ખૂબ આરોપ લગાવ્યા. તેમણે કહ્યું કે, કોંગ્રેસ સરકાર ઘૃણા અને ભાગલાની રાજનીતિ કરી રહી છે, જેને કર્ણાટકની જનતા સફળ નહીં થવા દે. તેમણે પોતાના બ્લોમાં કહ્યું, સંસદ લોકતંત્રના મંદિર સમાન છે, જ્યાં દેશના વિકાસની યોજનાઓ અને નીતિઓ બને છે. દેશની સામાજિક, આર્થિક, સાંસ્કૃતિક સંપન્નતા માટે જનપ્રતિનિધત્વ કાયદો બનાવવાનું કામ કરે છે. મુદ્દા પર ચર્ચા કરવામાં આવે છે, જનકલ્યાણકારી યોજના તૈયાર થાય છે જેથી બધાને સમાનતા મળી શકે.’