બોમ્બે હાઈકોર્ટે કહ્યું- વેશ્યાવૃતિ અપરાધ નથી, 3 યુવતીઓને સુધારગૃહમાંથી છોડવા માટે આપ્યો આદેશ

મુંબઈઃ બોમ્બે હાઈકોર્ટે ચુકાદામાં કહ્યું છે કે વેશ્યાગીરી કોઈ કાનૂની ગુનો નથી, કે તે શિક્ષાપાત્ર ગુનો નથી, પરંતુ જાહેર સ્થળો પર કરવો તે ગુનો છે. હાઈકોર્ટે લોઅર કોર્ટના તે હુકમોને રદ કર્યો જેમાં ત્રણ મહિલાઓને એક વર્ષ માટે સુધારા ગૃહોમાં રાખવામાં આવ્યા હતા. હાઈકોર્ટે આદેશ આપ્યો હતો કે ત્રણેયને જલ્દીથી મુક્ત કરવામાં આવે.

ગયા વર્ષે મલાડના એક ગેસ્ટ હાઉસમાંથી પોલીસે ત્રણ મહિલાની ધરપકડ કરી હતી.આ ત્રણેયને પીડિત દર્શાવીને એક દલાલની પણ ધરપકડ કરવામાં આવી અને તેમની વિરુદ્ધ જાતીય ગુનાના પ્રોહિબિશન એક્ટ હેઠળ કેસ નોંધવામાં આવ્યો છે.

ન્યાયાધીશ પૃથ્વીરાજ ચવ્હાણે ગુરુવારે એક આદેશમાં કહ્યું, "કાયદા હેઠળ, વ્યવસાયિક હેતુ માટે યૌન શોષણ કરવું અથવા જાહેર સ્થળે અભદ્ર કૃત્યને ગુનો માનવામાં આવે છે." કોર્ટે તેના આદેશમાં વધુમાં જણાવ્યું છે કે પુખ્ત સ્ત્રીને પોતાનો વ્યવસાય પસંદ કરવાનો અધિકાર છે. તેની સંમતિ વિના તેને સુધારણા ગૃહમાં રાખી શકાશે નહીં.