પોલીસવાળાને કહ્યુંઃ મામા, વિદ્યાર્થીને માર્યો ઢોરમાર

ગોરખપુરઃ ઉત્તર પ્રદેશના ગોરખપુર જિલ્લામાં ડાયલ-100ના પોલીસ અધિકારીઓને મામા કહેવું દસમા ધોરણમાં ભણતાં વિદ્યાર્થી વિકાસ યાદવને એટલું મોંઘુ પડ્યું કે પહેલા તો તેને ઢોરમાર માર્યો અને પછી પોલીસ સ્ટેશનમાં લાવીને બેસાડી દીધો હતો. આ સમગ્ર મામલો ગોરખપુર જિલ્લાના પીપીગંજ પોલીસ સ્ટેશનનો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો વિદ્યાર્થીને લઈ ગયા પોલીસ સ્ટેશન એક રિપોર્ટ અનુસાર ગ્રામ તાલલિખિયાનો વિદ્યાર્થી વિકાસ યાદવ ટ્યૂશનમાંથી પરત ફરી રહ્યો હતો ત્યારે રસ્તામાં તેના દોસ્તો મળી ગયાં હતાં. જ્યારે તે દોસ્તો સાથે વાત કરતો હતો તે દરમિયાન બાજુમાંથી ડાયલ-100ની કાર પસાર થઈ હતી. વિકાસના સાથી ભોલાએ મામા કહીને પોલીસ અધિકારીને બોલાવ્યા અને ભાગી ગયો હતો. જે પછી પોલીસ કર્મચારીઓ ગાડીમાંથી ઉતર્યાં હતાં અને વિકાસને ઢોરમાર માર્યો હતો. આટલું જ નહીં પોલીસ કર્મચારી વિકાસની સાઈકલ ફેંકીને તેને ગાડીમાં બેસાડીને પોલીસ સ્ટેશન લઈ ગયાં હતાં. ડરમાં છે પરિવાર આ સમગ્ર ઘટનાની જાણકારી મળ્યા પછી વિકાસના એક સંબંધીએ તેને પોલીસ સ્ટેશનમાંથી તો છોડાવ્યો પરંતુ પરિવાર પોલીસની આ કાર્યવાહીથી ખૂબ જ ડરેલો છે. સીઓ કેમ્પિયરગંજ દિનેશ સિંહનું કહેવું છે કે પોલીસ પર વ્યંગ કરવો અથવા તો ચીઢવવા માટેનો અધિકાર કોઈને નથી. તેમણે કહ્યું કે અમે આ મામલે તપાસ કરાવીશું અને યોગ્ય કાર્યવાહી કરાવીશું.