લોકડાઉન: બે વખત લગ્ન રદ થયા તો કન્યા 80KM ચાલીને વરરાજાના ગામ સુધી પહોંચી ગઈ

કોરોનાની મહામારીના કારણે લાગુ કરાયેલા લોકડાઉનથી એક યુવતીના લગ્ન વારંવાર રદ થઈ રહ્યા હતા. 4 મેએ થનારા લગ્નની તારીખને લોકડાઉનના કારણે આગળ વધારીને 17 મે કરી દેવાઈ. પરંતુ આ વચ્ચે પ્રધાનમંત્રી નરેન્દ્ર મોદીએ ચોથા લોકડાઉનની જાહેરાત કરી દીધી. લગ્નને ફરી એકવાર ટાળવાની વાત થઈ રહી હતી, ત્યાં જ કન્યાએ એક મોટો નિર્ણય લઈ લીધો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:કાનપુરના મંગલપુરની રહેનારી 19 વર્ષની ગોલ્ડી સતત 12 કલાક ચાલીને વરરાજા વીરેન્દ્ર કુમારના ગામ પહોંચી ગઈ. અચાનક કન્યાને ત્યાં જોઈને પરિવારજનો પણ ચોંકી ઉઠ્યા. તેમણે પછી કન્યાનું સ્વાગત કર્યું અને તેના પરિવાર સાથે વાત કરી. બંને પરિવારોની સહમતિથી વરરાજાના ગામમાં જ વિધિ-વિધાન સાથે ગોલ્ડી અને વીરેન્દ્રના લગ્ન કરાવાયા. ગામ લોકોએ પણ આ લગ્નને સમર્થન આપ્યું અને સમારોહમાં સોશિયલ ડિસ્ટન્સિંગનું પાલન કર્યું.ગોલ્ડીએ જણાવ્યું કે, 4 મેએ તેના લગ્ન નક્કી કરાયા હતા, જે લોકડાઉનના કારણે પાછળ ખસેડાયા. અમે લોકડાઉન 3.0 ખતમ થવાની રાહ જોઈ રહ્યા હતા પરંતુ તેને પણ 17મેથી લંબાવીને 31 મે સુધી કરી દેવાયું. કન્યાએ કહ્યું, અમારા પરિવારના લોકો ફરીથી લગ્નને રદ કરવાનો વિચાર કરી રહ્યા હતા પરંતુ મેં નિર્ણય કર્યો કે આ મહામારીને પોતાના લગ્નની વચ્ચે નહીં આવવા દઉં. મેં કોઈને કહ્યા વિના જ ઘર છોડી દીધું.ગોલ્ડી 12 કલાકમાં 80 કિલોમીટર ચાલીને વરરાજાના ગામ સુધી પહોંચી. તેણે જણાવ્યું કે, 12 કલાક દરમિયાન તેણે કંઈ ખાધું-પીધું નહોતું. તેની સાથે એક નાની બેગ હતી, જેમાં તેણે થોડા કપડા મૂક્યા હતા. ગોલ્ડીએ જણાવ્યું કે, ત્યાં પહોંચ્યા બાદ અમે બંને પરિવારોની સહમતિથી મંદિરમાં લગ્ન કર્યા. માસ્ક પહેરેલા વર-કન્યાની તસવીરો સોશિયલ મીડિયા પર ખૂબ વાયરલ થઈ રહી છે.