નવી દિલ્હીઃ વચગાળાના બજેટમાં રસપ્રદ જાહેરાતો થઈ શકે છે. જેમાં ખેતી ક્ષેત્રના સંકટ દૂર કરવાની સાથે-સાથે મધ્યમવર્ગને ટેક્સમાં રાહત આપવામાં આવી શકે છે. સરકાર સામે આગામી ચૂંટણીમાં મધ્યમ વર્ગ અને ખેડૂતોની વસ્તીને ધ્યાનમાં રાખીને જાહેરાતો કરવામાં આવી શકે છે. અમારા ન્યૂઝ Whatsapp પર મેળવવા અહીં ક્લિક કરો
ટેક્સ પર છૂટ, પણ કઈ રીતે?
ટેક્સ પર છૂટની રુપરેખા શું હશે, તે હજુ સ્પસ્ટ નથી થયું, પણ સૂત્રો દ્વારા એવા સંકેત મળી રહ્યા છે કે 1 ફેબ્રુઆરીએ રજૂ થનારા બજેટમાં નાણા વર્ષ 2019-20 પહેલાના કેટલાક મહિનાઓ દરમિયાન ટેક્સ છૂટની જાહેરાત થઈ શકે છે. બજેટમાં એવો વાયદો કરવામાં આવી શકે છે કે જો મોદી સરકાર ફરી સત્તામાં આવી તો રાહત મર્યાદા વધારવામાં આવશે.
કયો વિકલ્પ બનાવશે સરકાર?
અત્યારે નાણાં મંત્રાલયનું કામકાજ જોઈ રહેલા કેન્દ્રીય મંત્રી પીયૂષ ગોયલ પોતાનું પહેલું બજેટ ભાષણમાં મોટાભાગે સરકારની વિવિધ કાર્યો અને ભવિષ્યના એજન્ડાને યથાવત રાખી શકે છે. અટકળો એવી પણ લગાવવામાં આવી રહી છે કે ગોયલ ટેક્સ પર રાહત આપવા માટે સ્લેબમાં બદલાવકરી શકે છે અથવા તો સ્ટાન્ડર્ડ ડિડક્શનની અવધી 40 હજાર રુપિયા વધારવાની જાહેરાત થઈ શકે છે. ચર્ચા એ વાતની છે કે તેઓ મેડિકલ ઈન્સ્યોરન્સ લેવા પર છૂટની જાહેરાત પણ સીમિત કરી શકે છે.
અરુણ જેટલીનો સંકેત
મોદી સરકાર આ બજેટમાં મોટી જાહેરાતો કરે તેવી આશા વ્યક્ત કરાઈ રહી છે, પણ આશંકા એવી પણ છે વચગાળાના બજેટના કારણે તે શક્ય નહીં બને. જોકે, અમેરિકામાં સારવાર કરાવી રહેલા અરુણ જેટલીએ હાલમાં સંકેત આપ્યા હતા કે સરકાર અર્થવ્યવસ્થાની તાત્કાલિક પડકારોને ઝીલવા માટે પગલું ભરી શકે છે. માટે આશા કરાઈ રહી છે કે આ વિષયમાં ખેતીનું સંકટ અને તેની અર્થવ્યવસ્થા પર અસર જેવા મુદ્દાને બજેટમાં પ્રાથમિકતા આપવામાં આવી શકે છે.
સરકારની મુશ્કેલીઓ
પાછલા બજેટમાં પણ ટેક્સ દરોમાં બદલાવની મોટી આશા હતી, પણ નાણાકીય અનુશાસનમાં બધાયેલા હોવાના કારણે સરકારે આવી કોઈ જાહેરાત નહોતી કરી. જોકે, સરકાર સતત કહેતી રહી છે કે, ટેક્સપેયરના ખિસ્સામાં વધારે રુપિયા રહેવાથી અર્થવ્યવસ્થામાં માંગ વધે છે. સરકારની સામે મુશ્કેલીઓ એ છે કે આયુષ્માન ભારત જેવી વિશાળ યોજનાઓ સારી રીતે ચલાવવા માટે મોટી રકમની જરુરિયાત છે, જ્યારે GST હેઠળ ટેક્સ કલેક્શન હજુ પણ લક્ષ્યથી ઘટી રહ્યું છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.