125 ફૂટ ઊંચી પાણીની ટાંકી પર ચઢી ગયો બળદ, 8 કલાક પછી આ રીતે ઉતારાયો

રેવાડીઃ બાવલના ખેડા મુરાર રોડ સ્થિત 125 ફૂટ ઊંચી એક પાણીની ટાંકી પર અલગ જ નજારો જોવા મળ્યો. આ ટાંકી ઉપર ઊભો હતો એક બળદ. કહેવામાં આવી રહ્યું છે કે સીડી ચઢીને બળદ ઉપર સુધી તો પહોંચી ગયો પરંતુ ત્યાં જઈને ફસાઈ ગયો. સ્થાનિકોને જાણ થતા તેમણે તુરંત ફાયર બ્રિગેડ માહિતી આપી. ફાયર બ્રિગેડ અને ગૌરક્ષક યુવા દળના સભ્યો પહોંચ્યા અને 8 કલાક રેસ્ક્યૂ ઓપરેશન બાદ બાળદને ક્રેનની મદદથી નીચે ઉતારવામાં આવ્યો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો મળી રહેલી માહિતી મુજબ ખેડા મુરાર રોડ પર જનસ્વાસ્થ્ય વિભાગની એક પાણીની ટાંકી આવેલી છે. જેમાં ઉપર પહોંચવા માટે અંદરની બાજુ ગોળ સીડી બનાવવામાં આવી છે. બુધવારે રાત્રી દરમિયાન એક બળદ આ સીડી પર ચઢીને ઉપર સુધી પહોંચી ગયો. સીડીની પહોંળાઈ ખૂબ ઓછી હોવાથી બળદ પાછો વળી ન શક્યો અને ત્યાં જ ફસાઈ ગયો. સ્થાનિકોએ સત્તાધીશોને જાણ કરતા તમામ અધિકારીઓ ઘટના સ્થળે પહોંચી ગયા. વેટનરી ડોક્ટરને બોલાવી બળદને બેભાન કરવામાં આવ્યો અને ત્યાર બાદ ક્રેનની મદદથી નીચે ઉતારવામાં આવ્યો.