મોદી સરકારે બદલ્યું HRD મિનિસ્ટ્રીનું નામ, નવી શિક્ષણ નીતિને આપી મંજૂરી

નવી દિલ્હીઃ યુનિયન કેબિનેટે બુધવારે ન્યુ એઝ્યુકેશન પોલિસી (એનઈપી)ને મંજૂરી આપી દીધી છે અને આ ઉપરાંત HRD મિનિસ્ટ્રીનું નામ બદલીને એજ્યુકેશન મિનિસ્ટ્રી કરી દીધું છે. ઈન્ડિયન સ્પેસ રિસર્ચ ઓર્ગેનાઈઝેશન (ઈસરો)ના ભૂતપૂર્વ વડા કે.કસ્તુરીરંગનની આગેવાનીવાળી પેનલે યુનિયન હ્યુમન રિસોર્સ ડેવલોપમેન્ટ મિનિસ્ટર રમેશ પોખરીયાલને જ્યારે એક વર્ષ અગાઉ તેમણે કાર્યભાર સંભાળ્યો ત્યારે એનઈપીનો નવો ડ્રાફ્ટ આપ્યો હતો.

આ ડ્રાફ્ટને ત્યારબાદ પબ્લિક ડોમેનમાં મૂકવામાં આવ્યો હતો અને વિવિધ સ્ટેકહોલ્ડર્સ પાસેથી ફીડકેબ મંગાવવામાં આવ્યા હતા. આ માટે એચઆરડી મિનિસ્ટ્રીને બે લાખથી વધુ સલાહ-સૂચનો મળ્યા હતા. એચઆરડી મંત્રાલયના એક સિનિયર અધિકારીએ જણાવ્યું છે કે પોલિસી ડ્રાફ્ટને મંજૂરી મળી ગઈ છે. હવે મંત્રાલયનું નવું નામ એજ્યુકેશન મિનિસ્ટ્રી થઈ ગયું છે.

વર્તમાન એનઈપી 1986મા બનાવવામાં આવ્યો હતો અને 1992મા તેમાં સુધારા વધારા કરવામાં આવ્યા હતા. નવી એજ્યુકેશન પોલિસી ભારતીય જનતા પાર્ટીના 2014ના ચૂંટણી ઢંઢેરાનો ભાગ છે.