પ્લેન ક્રેશ: 10 વર્ષ પહેલા પણ દેશમાં થયો હતો આવો જ અકસ્માત

નવી દિલ્હી: એર ઈન્ડિયા એક્સપ્રેસનું એક પ્લેન શુક્રવારે કેરળના કોઝીકોડ એરપોર્ટ પર લેન્ડિંગ સમયે અકસ્માતનો શિકાર બન્યું. વિમાનમાં કુલ 191 લોકો સવાર હતા. દુબઈથી આવી રહેલા વિમાન રન-વેના છેલ્લા છેડા સુધી જતું રહ્યું અને લપસીને ઘાટીમાં જઈને પડ્યું. તેનાથી વિમાનના 2 ટુકડા થઈ ગયા. સમયે કાલીકટમાં ભારે વરસાદ પડી રહ્યો હતો. આ ઘટનાએ આજથી લગભગ 10 વર્ષ પહેલા મંગલુરુમાં એર ઈન્ડિયા એક્સપ્રેસના જ એક વિમાનના અકસ્માતની યાદ તાજી કરાવી દીધી.
આ પણ વાંચો: દુબઈથી કેરળના કોઝીકોડ આવતું વિમાન ક્રેશ, 191 મુસાફરો હતા સવાર

સંયોગની વાત છે કે, 10 વર્ષ પહેલા 22 મે, 2010એ એર ઈન્ડિયા એક્સપ્રેસનું જ એક પેસેન્જર વિમાન મંગલોરમાં આ રીતે અકસ્માતનો ભોગ બન્યું હતું. એ પણ સંયોગ છે કે, એ વિમાન પણ દુબઈથી જ આવી રહ્યું હતું. 22 મે 2010એ એર ઈન્ડિયાની દુબઈથી મંગલોર આવી રહેલી ફ્લાઈટ નંબર 812 લેન્ડિંગ સમયે રનવેને પાર કરતા પહાડોમાં જઈને પડ્યું હતું. એ ઘટનામાં 158 લોકોના મોત થયા હતા. એ વિમાનમાં 160 મુસાફરો અને 6 ક્રૂ મેમ્બરના સભ્ય હતા. તેમાં વિમાનના બધા ક્રૂ મેમ્બર અને 152 મુસાફરોના મોત થયા હતા. માત્ર 8 મુસાફરોનો જ જીવ બચ્યો હતો.

આ પણ વાંચો: દુબઈથી કેરળ આવેલા વિમાનના રનવે પર થયા બે ટુકડા, જુઓ ઘટનાની તસવીરો

મંગલોરના પ્લેનમાં આગ લાગી ગઈ હતી, જ્યારે સદનસીબે કાલીકટમાં થયેલી પ્લેનમાં આગ નથી લાગી. જોકે, આ ઘટનામાં એક પાયટલનું મોત થયાના અન ઘણા મુસાફરો ઘાયલ થયાના અહેવાલ મળી રહ્યા છે. બીજો પાયલટ ગંભીર રીતે ઘાયલ હોવાના અહેવાલ છે. શુક્રવારની ઘટનામાં વિમાનના બે ભાગ થઈ ગયા. કોકપિટ સંપૂર્ણ રીતે ક્ષતિગ્રસ્ત થઈ ચૂક્યું છે. ડીજીસીએએ ઘટનાની તપાસના આદેશ આપી દીધા છે.