પટણાઃ બિહારમાં પોલીસ કોન્સ્ટેબલ ડ્રાઈવરની લેખિત પરીક્ષા દરમિયાન ચોરી કરવાનો વિચિત્ર મામલો સામે આવ્યો. અહીં પરીક્ષામાં બેઠેલા એક પરીક્ષાર્થીએ ચોરી કરવા માટે પોતાના અંડરવેરમાં મોબાઈલ અને ટોપીમાં બ્લ્યુટૂથ સંતાડી રાખ્યું હતું. પરીક્ષા ખંડમાં ઈલેક્ટ્રોનિક્સ સામાન લઈ જવા પર પ્રતિબંધ હોવા છતાં તે મોબાઈલ અને બ્લ્યુટૂથનો ઉપયોગ કરીને પોતાના સાથીને પ્રશ્ન બતાવી રહ્યો હતો. બીજી તરફની વ્યક્તિ તેને ફોન પર સવાલનો જવાબ બતાવી રહી હતી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: અમારા સહયોગી નવભારત ટાઈમ્સ સાથે વાતચીતમાં પટણાના દીઘા પોલીસ સ્ટેશનના SHO મનોજ કુમારે જણાવ્યું, પરીક્ષાર્થી સુનિલ જમુઈના લક્ષ્મીપુરનો રહેવાસી હતો અને તેનું સેન્ટર મખદુમપુરના ઈન્દ્રસ્થલી કન્યા વિદ્યાલયમાં હતું. પરીક્ષા દરમિયાન પરીક્ષકને તેની હરકતો પર શંકા થતા તેની તપાસ કરાઈ. તપાસ દરમિયાન તેના અંડરવેરમાંથી મોબાઈલ અને ટોપીમાંથી બ્લ્યુટૂથ મળ્યું. મનોજ કુમાર મુજબ, પોલીસે મામલામાં કેસ દાખલ કરી લીધો છે અને તપાસમાં લાગી ગઈ છે. તેમણે જણાવ્યું કે, મોબાઈલની તપાસ કરાઈ રહી છે, જેનાથી પરીક્ષાર્થી સાથે વાત કરી રહેલા વ્યક્તિને પકડી શકાય. આ ઉપરાંત ગેટ પર ચેકિંગ થયું હોવા છતાં કેવી રીતે પરીક્ષાર્થી મોબાઈલ સાથે લઈને અંદર પહોંચી ગયો તેની પણ તપાસ કરાઈ હી છે.