જય-વીરુએ એક વર્ષમાં 60 ગાડી ચોરી

I am Gujarat

જય-વીરુ ઝડપાયા

નવી દિલ્હીઃ ક્રાઇમ બ્રાન્ચે ગાડી ચોરવાના આરોપમાં બે બદમાશોની ધરપકડ કરી લીધી છે. આ બંને કાર ચોર ‘જય’ અને ‘વીરુ’ ના નામથી પ્રચલીત હતા. બંને આરોપીઓની ઓળખ પ્રવીણ ઉર્ફ જય (23) અને સુરેશ ઉર્ફ વીરુના રૂપમાં થઇ છે.

6 કાર રિકવર

બંને આરોીઓની સઘન પૂછપરછ કરવામાં આવી રહી છે. પોલીસે 6 કાર અને 4 બાઇક જપ્ત કર્યાં. પૂછપરછ દરમિયાન ખુલાસો થયો કે એક જ વર્ષમાં જય-વીરુએ દિલ્હી-એનસીઆરમાંથી 60 ગાડીની ચોરી કરી હતી.

બાતમીના આધારે પકડ્યા

ડીસીપી ભીષ્મ સિંહ મુજબ એએસઆઇ શ્રી ઓમ ડાગરને માહિતી મળી હતી કે કુખ્યાત ચોર કાર ચોરી કરી કારને ઠેકાણે પાડવા દ્વારકા સેક્ટર-24માં આવશે. સુચનાને આધારે એસીપી આદિત્ય ગૌતમની દેખરેખમાં ઇન્સ્પેક્ટર સુનીલ જૈન સહિત પોલીસકર્મીઓની ટીમ બનાવવામાં આવી હતી. પોલીસે પ્રવીણ કુમાર ઉર્ફ જયને ચોરીની કાર સાથે ઝડપી પાડ્યો હતો. પૂછપરછ દરમિયાન તેણે જણાવ્યું કે પોતાના સાથીની સાથે મળીને ગાડીની ચોરી કરતો હતો. જેના આધારે પોલીસે સુરેશ ઉર્ફ વીરુની પણ ધરપકડ કરી લીધી.

ટ્રેક્ટર ચોરીના પણ ત્રણ કેસ

પોલીસ અધિકારીઓએ જણાવ્યું કે બંને બદમાશ હંમેશા એક સાથે જ રહેતા હતા. મળીને જ બંને ચોરીને અંજામ આપતા હતા. વિરુ સામે ટ્રેક્ટર ચોરીના પણ ત્રણ કેસ નોંધાયેલા છે.