ગજબ, એક જ કારને 3 વાર ચોરી કરીને ફરી ફરી વેચતા હતા ચોર

ચેન્નઈઃ પોલીસે એક એવી ગેંગનો ફાંડો ભોડ્યો છે જે દરેક વખતે એક કાર ગ્રાહકને સસ્તામાં વેચી ત્યારબાદ આ જ કાર ચોરી કરતા અને પછી તેને બીજા ગ્રાહકને વેચી દેતા હતા. આ ગેંગ પાસે જે તે કારની ડુપ્લિકેટ ચાવી પહેલાથી જ રહેતી હતી અને સાથે સાથે તેમાં એક ખાસ GPS ડિવાઈસ પણ લગાવી દેતા જેથી તેમને કારની લોકેશન ખબર પડતી રહે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો ચેન્નઈમાં સાઉથની ફિલ્મોના પ્રોડ્યુસર થાનિગાઈના કાર ચોરીની તપાસ કરી રહેલી પોલીસને આ ગેંગના પાંચ પૈકી બે સભ્યો હાથ લાગી ગયા હતા. જ્યારે થાનિગાઈને પોલીસ સ્ટેશન આ ચોરની ઓળખ પરેડ અને કારની ઓળખ માટે બોલાવવામાં આવ્યા ત્યારે તેઓ ચોરને તરત જ ઓળખી ગયા. આ બંને વ્યક્તિઓની ધરપકડ સીસીટીવી ફૂટેજના આધારે કરવામાં આવી હતી. થાનિગાઈએ કહ્યું કે તેમણે આ કાર એક ઓનલાઈ પોર્ટલ પર પસંદ કરી હતી. જે બાદ કારના માલિકનો સંપર્ક કર્યો હતો. કાર વેચતા સમયે તેમને આ બંને વ્યક્તિઓ મળ્યા હતા. બંને પક્ષે વચ્ચે રુ. 6 લાખમાં કારનો સોદો નક્કી થયો. જે બાદ 10 જૂને આ કાર દ્વારા થાનિગાઈ એક ગેસ્ટહાઉસ બહાર પાર્ક કરીને ગયા હાત જ્યાંથી આ કાર ગાયબ થઈ ગઈ હતી. બાદમાં પોલીસે વધુ તપાસ કરતા જે હકીકત સામે આવી તે જાણીને બધા અચંબામાં પડી ગયા હતા. તેમણે આ કાર પહેલા તો નેવેલીના નવનીત કૃષ્ણને વેચી હતી. જે બાદ ડુપ્લિકેટ ચાવીની મદદથી તેમણે થોડાક જ દિવસોમાં આ કાર ચોરી કરી લીધી હતી. જેને ફરી વેલ્લોરના એક વ્યક્તિને વેચી હતી. ત્યાંથી પણ આ કાર ચોરી કરીને થાનિગાઈને વેચી હતી. તપાસમાં પોલીસને જાણવા મળ્યું કે તેમના બાકીના 3 સાથી પાસે આવી જ 10 કાર છે.