સીહોર: કહેવાય છે કે મોત ક્યાં અને ક્યારે આવશે, કોઈને ખબર નથી પડતી. મધ્ય પ્રદેશના સીહોર જિલ્લાનો એક સીસીટીવી વિડીયો સામે આવ્યો છે. વિડીયોમાં જોઈને એ વિશ્વાસ કરવો મુશ્કેલ થઈ જશે કે આવું પણ થાય ખરું? સીસીટીવી વિડીયોમાં સ્પષ્ટ જોઈ શકાય છે કે, એક વ્યક્તિ ખુરશી પર બેઠો છે. તેની પાસે પણ એક શખસ ઊભો છે. અચાનક ખુરશી પર બેઠેલો શખસ શરીર નાંખી દે છે. પાસે ઊભેલી વ્યક્તિએ જ્યારે નજીક જઈને જોયું તો તેના હોશ ઉડી ગયા. ખુરશી પર બેઠેલી વ્યક્તિનું મોત થઈ ચૂક્યું હતું.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficialઆ ઘટના સીહોર જિલ્લાના બિલકિસગંજની છે. ખુરચની ગામના 57 વર્ષના જમના પ્રસાદ કોઈ કામથી બિલકિસગંજ આવ્યા હતા. તેઓ કોઈ દુકાનની બહાર ખુરશી પર બેઠા હતા. જણાવાયા મુજબ, આ દરમિયાન તેમને અચાનક હાર્ટ એટેક આવ્યો અને તેમણે ખુરશી પર જ પોતાનું શરીર નાખી દીધું અને તેમનું મોત થઈ ગયું. પાસે ઊભેલી વ્યક્તિ કંઈ સમજે અને કંઈ કરે તે પહેલા તો જમના પ્રસાદનું મોત થઈ ગયું હતું.
નજીકના દૂધ કલેક્શન સેન્ટરમાં લાગેલા સીસીટીવી કેમેરામાં આ ઘટના કેદ થઈ ગઈ છે. સીસીવી ટીવી વિડીયો અત્યારે સોશિયલ મીડિયા પર વાઈરલ થયા છે. ઘટના સોમવારની છે, વિડીયો હવે સામે આવ્યો છે. બિલકિસગંજ પોલીસે મૃતદેહ પોસ્ટમોર્ટમ કરાવી પરિવારજનોને સોંપી દીધો છે. પોલીસના જણાવ્યા મુજબ, પ્રાથમિક દ્રષ્ટિએ તેમનું મોત હાર્ટએટેકથી થયું છે.આ વિડીયો જોઈને લોકો આશ્ચર્ય વ્યક્ત કરી રહ્યા છે કે મોત આવી રીતે પણ આવે છે! પાસે ઊભેલી વ્યક્તિએ કહ્યું કે, જમના પ્રસાદે ખુરશી પર શરીર નાખી દીધા બાદ જ્યારે તેમને હલાવ્યા તો તેમના શરીરમાં કોઈ હલચલ ન હતી.
