1 કરોડ સરકારી કર્મચારીઓને મોદી સરકારની ભેટ, મોંઘવારી ભથ્થું 2% વધાર્યું

I am Gujarat

કેંદ્ર સરકારે DAમાં કર્યો વધારો

નવી દિલ્હી: મોદી કેબિનેટે બુધવારે કેંદ્રીય કર્મચારીઓ અને પેશનર્સના મોંઘવારી ભથ્થામાં વધારો કર્યો છે. કેબિનેટે મોંઘવારી ભથ્થામાં 2 ટકાનો વધારો મંજૂર કર્યો છે. આ વધારો 1 જુલાઈ, 2018થી લાગુ ગણાશે.

7%થી વધીને 9% થયું મોંઘવારી ભથ્થું

1.1 કરોડ કર્મચારીઓને થશે ફાયદો

મોંઘવારી ભથ્થામાં વધારો કરવાથી કેંદ્ર સરકારના 1.1 કરોડ કર્મચારીઓ અને પેન્શનર્સને લાભ થશે. જેમાં 48.1 લાખ કેંદ્રીય કર્મચારીઓ અને 62.03 લાખ પેન્શનર્સનો સમાવેશ થાય છે. મોંઘવારી ભથ્થું વધતી મોંઘવારીની અસર ઘટાડવા માટે આપવામાં આવે છે. મોંઘવારી ભથ્થું સરકારી કર્મચારીઓ, પબ્લિક સેક્ટર એમ્પલોઈઝ અને પેશનર્સને આપવામાં આવે છે.

આ દેશોમાં પણ અપાય છે મોંઘવારી ભથ્થું

ભારતની જેમ પાકિસ્તાન અને બાંગ્લાદેશમાં પણ મોંઘવારી ભથ્થું આપવામાં આવે છે. વધતી મોંઘવારી અને કર્મચારીઓની બેઝિક સેલરીના આધારે નક્કી કરવામાં આવે છે.