પોલીસના ડરથી ચોરે ગળ્યુ મંગળસૂત્ર, પછી થઈ જોવા જેવી

I am Gujarat

ગળી ગયો મંગળસૂત્ર

જબલપુરની ડિફેન્સ કોલોનીમાં 70 વર્ષની વૃદ્ધાના ગળામાંથી મંગળસૂત્ર લઈ ભાગી રહેલા બે ચોરને પોલીસે પકડી પાડ્યાં હતાં. પોલીસને લૂંટનો માલ ન મળે તે માટે ચોર મંગળસૂત્ર જ ગળી ગયો હતો. જોકે, તેણે પોલીસ પૂછપરછમાં તેણે બધું જ સાચેસાચું કહી દીધું હતું.

એન્ડોસ્કોપીથી કાઢ્યું બહાર

પોલીસે ચોરને મીઠાનું પાણી પીવડાવીને ત્રણ વાર ઉલટીઓ કરાવી હતી પરંતુ તેમને સફળતા મળી નહોતી. આ પછી એન્ડોસ્કોપી કરીને ગળામાંથી મંગળસૂત્ર બહાર કઢાયું હતું. પોલીસે બન્ને આરોપીઓની ધરપકડ કરી હતી. આરોપીઓએ થોડા દિવસો પહેલા જ ગોરખપુરમાં પણ એક વૃદ્ધાની સોનાની ચેઈનની લૂંટ અને ઘમાપુરથી બાઈકચોરીનો પણ સ્વીકાર કર્યો હતો.

બાઈક પર આવ્યા અને ચલાવી લૂંટ

પોલીસ અધિકારી દીપક શુકલાએ જણાવ્યું હતું કે બુધવારે સાંજે આશરે સાડાચાર કલાકે સિવિલ લાઈન ડિફેન્સ કોલોનીના નિવાસી કલાવતી યાદવ આંગણામાં સૂતી હતી. ત્યારે જ બે બદમાશ બાઈક લઇને આવ્યાં હતાં. એકે તેમના ગળામાંથી મંગળસૂત્ર ઝૂંટવ્યું હતું અને સાથીની બાઈક પર ભાગવાની કોશિશ કરી હતી.

પોલીસે કરી ધરપકડ

આ પછી સમગ્ર ઘટનાની પોલીસને જાણ કરી હતી. આશરે એક કલાકની જહેમત પછી કેન્દ્રિય વિદ્યાલય નંબર પાસેથી ધરપકડ કરવામાં આવી હતી. બન્નેની તલાશી લેવામાં આવી ત્યારે તેમની પાસેથી કશું જ મળ્યું નહોતું. આરોપીઓએ પૂછપરછમાં પોતાનું નામ રાજુ થાપા અને સૂરજ ડુમાર જણાવ્યું હતું.