ઓનલાઈન ક્લાસથી વંચિત બાળકો માટે 'શિક્ષક'ની અનોખી પહેલ, Video જોઈને કરશો સલામ

છત્તીસગઢના કોરિયા જિલ્લામાં એક શિક્ષક મહામારી દરમિયાન પોતાના વિદ્યાર્થીઓ ભણવામાં પાછળ ન રહી જાય તે માટે તેમના સુધી પહોંચી રહ્યા છે. સોશિયલ મીડિયા પર એક અધિકારી દ્વારા વિડીયો શેર કરવામાં આવ્યો છે, જેમાં શિક્ષક ગ્રીન બોર્ડ અને લાઉડસ્પીકર સાથે ગામમાં ક્લાસ લેવા માટે જાય છે.

આ વિડીયો ટ્વિટર પર છત્તીસગઢ કેડરથી 2009ની બેચના IAS અવિનાશ શરને પોસ્ટ કર્યો છે. છેત્તીસગઢ સરકારે મહામારીના સમયમાં શિક્ષા માટે ઈન્ટરનેટ કનેક્શન ન હોવા પર રાજ્યના તમામ વિદ્યાર્થીઓને શામેલ કરવાનો પ્રયાસ કર્યો છે.

વિડીયોમાં તમે જોઈ શકો છો કે કોરિયા જિલ્લાના શિક્ષક એક છત્રી, ગ્રીન બોર્ડ અને લાઉડસ્પીકર લઈને પોતાની બાઈક પર જઈ રહ્યા છે. અને ગામના વિદ્યાર્થીઓ ઘંટી વાગતા જ ખુશીથી ઝૂમી ઉઠે છે. આ ખુલ્લી સ્કૂલમાં ખાસ વ્યવસ્થાઓ જોઈ શકાય છે. આ ખુલ્લી સ્કૂલમાં ખાસ વ્યવસ્થાઓ જોઈ શકાય છે. વિદ્યાર્થીઓ એકબીજાથી છ ફૂટ દૂર ઊભા છે, જે મહામારીના સમયમાં સામાજિક અંતર બનાવી રાખ્યું છે.

વિદ્યાર્થીઓની ખુશીને જોઈ શકાય છે કે તેઓ પોતાની જગ્યા પર ઊભા રહેવા માટે જલ્દી પહોંચી જાય છે. વિડીયોમાં શિક્ષક બાળકોને કવિતા દ્વારા ગણતરી શીખવી રહ્યો છે. તમામ બાળકે જલ્દી જ જવાબ આપે છે અને તેઓ અભ્યાસ કરવામાં ખુશ દેખાઈ રહ્યા છે. આ પ્રકારની સ્કૂલથી બાળકો નિશ્ચિત રીતે ભણવાનો આનંદ લઈ રહ્યા છે.

વિડીયો શેર કરનારા અવનીશ શરણે જણાવ્યું કે, છત્તીસગઢ સરકારે શિક્ષણના સારા માટે સ્કૂલોના બંધ રહેવા દરમિયાન પણ શિક્ષણની પ્રક્રિયા ચાલુ રાખવા માટે આવા ઘણા નિર્ણયો લીધા છે. ગામની સ્કૂલો હોવાના કારણે અહીં તમામ વિદ્યાર્થીઓ સ્માર્ટ ફોન અને ઈન્ટરનેટ કનેક્શનનો ખર્ચ ઉઠાવી શકે તેવી ઉમ્મીદ નથી કરાતી. આ કારણે જ રાજ્ય સરકારે ક્લાસ લેવા માટે શિક્ષકોની નિયુક્તિની વ્યવસ્થા કરી છે.

ઉલ્લેખનીય છે કે કોરોનાની મહામારીને કારણે હાલમાં દેશભરની સ્કૂલો બંધ છે. ઘણી પ્રાઈવેટ સ્કૂલોમાં વિદ્યાર્થીઓના ઓનલાઈન ક્લાસ લેવામાં આવી રહ્યા છે. પરંતુ ગ્રામીણ વિસ્તારોમાં મોટાભાગના માતા-પિતા આ પ્રકારના શિક્ષણ માટે પૈસા ખર્ચી શકે તેમ નથી એવામાં તેમના બાળકોને શિક્ષણ મળી શકતું નથી. ત્યારે આ શિક્ષકના પ્રયાસથી ગામના ગરીબથી ગરીબ બાળકને પણ અભ્યાસની તક મળી રહે છે.