Child Delivery In Space Will Become A Reality In 2024
શક્ય બનશે અવકાશમાં બાળકને જન્મ આપવો પણ આ છે શરત.
I am Gujarat29 Oct 2018, 11:31 am
વર્ષ 2024 સુધીમાં બાળકને જન્મ આપવાની યોજના
નવી દિલ્હીઃ જો કોઈનું સ્વપ્ન અવકાશમાં બાળકને જન્મ આપવાનું હોય તો હવે આ શક્ય બની રહેશે. આ માટેની તૈયારીઓ પણ વિજ્ઞાનીઓએ શરૂ કરી દીધી છે. નેધરલેન્ડ સ્થિતિ સ્પેસ લાઈફ ઓરિજિના પ્રયત્નો બાદ આ શક્ય થશે. આવનારા છ વર્ષમાં આ સ્વપ્ન સાકાર થઈ શકે એમ છે. વર્ષ 2024 સુધીમાં કંપનીએ સ્પેસમાં સંતાનને જન્મ આપવા માટે ડીલેવર સંબંધીત તૈયારીઓ પૂરી કરી દીધી છે.
હવે અવકાશમાં આશ્રય
આ ઉપરાંત અવકાશમાં આશ્રય માટેનું પણ ખાસ આયોજન કરવામાં આવ્યું છે. સ્પેસ લાઈફ ઓરિજિન મિશન ક્રેડલ અંતર્ગત આ પ્રોજેક્ટ પર કામ કરી રહી છે. એક રિપોર્ટ અનુસાર વર્ષ 2024માં અનુભવી ચિકિત્સકોની ટીમ ગર્ભવતી મહિલાને લઈને અવકાશ માટે રવના થશે. આ માટે હાલમાં વેન્ટિલેટરની શોધ ચાલી રહી છે. આ પ્રોજેક્ટ અંતર્ગત કોઈ પણ ગર્ભવતી મહિલા અવકાશમાં સંતાનપ્રાપ્તિ માટે અરજી કરી શકે એમ છે. પરંતુ, આ માટેની પૂર્વશરત એ છે કે, આ માટે પહેલા બે વખત મહિલા મા બની ચૂકી હોવી જોઈએ.
36 કલાકનું મિશન
36 કલાકના આ મિશન દરમિયાન ડૉક્ટરની ટીમ ગર્ભવતીને લગભગ 402 કિમીની ઊંચાઈ પર લઈ જઈને તેને ડિલેવરી કરાવવામાં મદદ કરશે. જો આ ઓપરેશન સફળ થશે તો અવકાશ વિજ્ઞાનમાં વધુ એક સફળતની સિદ્ધિ ઉમેરાશે. સ્પેસ ઓરિજિનના સીઈઓ કીસ મલ્ડરે જણાવ્યા અનુસાર આવનારા વર્ષ 2022થી આ મિશન માટે અરજી કરી શકાશે. ત્યાર બાદ 25 મહિલાઓની અરજી પરથી ટેસ્ટ શરૂ કરવામાં આવશે. એ પણ ખાસ તપાસ કરવામાં આવશે કે, અવકાશમાં જવાની તારીખની આસપાસ ડીલેવરી ડેટ છે કે નહીં.
પુરતી સુરક્ષા પૂરી પાડવામાં આવશે
આ પ્રોજેક્ટમાં ગર્ભવતી અને બાળકની પૂરતી સુરક્ષા કરવામાં આવશે. આ માટે સુરક્ષા માટેના ખાસ પગલાંઓ પર ધ્યાન આપવમાં આવ્યું છે. આ માટે ખાસ પ્રકારનો રૂમ ઊભો કરવામાં આવ્યો છે. જેમાં વિકિરણોનું સ્તર સૌથી નીચું હશે. આ ઉપરાંત ગર્ભવતી મહિલાઓ માટે ખાસ પ્રકારનું યાન ડીઝાઈન કરવામાં આવ્યું છે. જેમાં ગુરુત્વાકર્ષણબળની કોઈ અસર નહીં થાય. મહિલાને રવાના કરતા પહેલા અવકાશના માહોલમાં અનુકૂળતા સાઘવા માટે એક માહોલ તૈયાર કરાયો છે જેમા તેને રાખવામાં આવશે.
ખૂબ ખર્ચાળ છે આ પ્રોજેક્ટ
આ પ્રોજેક્ટમાં ભાગ લેનારાઓએ આશરે અઢી લાખ ડૉલર ચૂકવવા પડશે. વર્ષ 2021માં શુક્રાણુઓ અને અંડાણુઓને ઈન્ક્યુબેટરને એક યાનની મદદથી અવકાશમાં મોકલવામાં આવશે. જ્યાં એક ગર્ભ તૈયાર કરવામાં આવશે. જો કે, આ પ્રોજેક્ટ સફળ થશે તો વધુ એક ઈતિહાસ અવકાશના વિષયમાં લખાશે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.