ધારાસભ્યએ PMOને કર્યું ટ્વીટ
એરિંગે જણાવ્યું કે પ્રદેશના સુબનસિરી જિલ્લાના 5 લોકોનું કથિત રીતે PLAએ અપહરણ કર્યું છે. પાંચ મહિના પહેલા પણ આવી ઘટના બની હતી. ધારાસભ્યએ PMOને ટેગ કરતા માગણી કરી છે કે પીએલએ અને કોમ્યુનિસ્ટ પાર્ટી ઓફ ચીનને તેના પર જડબાતોડ જવાબ આપવો જોઈએ. 'ધ અરુણાચલ ટાઈમ્સ'માં છપાયેલી રિપોર્ટ મુજબ, અપહરણ કરાયેલા પાંચ લોકો તાગિન સમુદાયથી સંબંધિત છે. તે લોકો જંગલમાં શિકાર માટે ગયા હતા, આ સમયે ચીની સેનાએ તેમનું અપહરણ કરી લીધું.
બે ગ્રામિણો ભાગવામાં સફળ રહ્યા
અપહરણ કરાયેલા લોકોમાંથી એકના સંબંધીએ આ જાણકારી આપી. જે લોકોનું અપહરણ કરાયું છે, તેમની ઓળખ ટોચ સિંગકમ, પ્રસાત રિંગલિંગ, ડોંગટૂ એબિયા, તનુ બાકેર અને ગારૂ ડિરીના રૂપમાં થઈ છે. કહેવાય છે કે આ પાંચ લોકો સાથે બે વધુ ગ્રામિણો સ્થળ પર હતા, પરંતુ તેઓ ત્યાંથી ભાગવામાં સફળ રહ્યા. તેમણે આ ઘટનાનો ઉલ્લેખ લોકોની સામે કર્યો છે. જોકે પીડિત લોકોના પરિજનોએ ભારતીય સેનાને આ વિશે સૂચના નથી આપી. ઘટના બાદથી નાચો ગામમાં તણાવનો માહોલ છે.
અધિકારીઓને અપીલ
જાણકારી મુજબ, શનિવારે સવારે પીડિત લોકોના પરિજનો સેના તથા અન્ય અધિકારીઓને મળવા માટે નાચો ગામથી રવાના થઈ ગયા. તેમણે અધિકારીઓને આ મામલો ગંભીરતાથી લેવાની અપીલ કરી છે અને તમામ અપહ્યત લોકોને ઘરે પાછા લાવી આપવા વિનંતી કરી છે. જોકે સેન્ય અધિકારીઓ અને જિલ્લા અધિકારી તરફથી આ મામલે કોઈ જાણકારી મળી શકી નથી. ઉલ્લેખનીય છે કે ચીન ઘણા સમયથી અરુણાચલ પ્રદેશ પર પોતાનો હક હોવાનો દાવો કરી રહ્યું છે. પરંતુ ભારત સતત આ વાતને નકારતું રહ્યું છે.