નવી દિલ્હીઃ ઈન્ડિયન કાઉન્સિલ ઓફ મેડિકલ રિસર્ચ (ICMR)એ આજે દેશને મોટી ખુશખબરી આપી છે. તેમણે જણાવ્યું છે કે, કોવિડ-19 માટે બે દેશી વેક્સીનનું ટ્રાયલ આગળ વધી રહ્યું છે અને આ ટ્રાયલ ઉંદર અને સસલા પર ટોક્સિસિટી સ્ટડી સફળ રહી છે. ICMRના ડિરેક્ટર જનરલ ડોક્ટર બલરામ ભાર્ગવે કોરોના પર પ્રેસ બ્રિફિંગ દરમિયાન જણાવ્યું કે રિસર્ચના આંકડાઓ દેશના ડ્રગ કંટ્રોલર જનરલ (DGCI) પાસે મોકલી દેવામાં આવ્યા છે. જ્યાંથી બન્ને વેક્સીનનું હ્યુમન પરીક્ષણ કરવાની પરવાનગી મળી ગઈ છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
પ્રાથમિક તબક્કાના પરીક્ષણની અનુમતિ
ICMRએ જણાવ્યું કે, કહ્યું કે,’આ મહિને જ હ્યુમન પર પ્રાથમિક તબક્કાના પરીક્ષણની અનુમતિ મળી છે. બન્ને વેક્સીન માટે પરીક્ષણની તૈયારી થઈ ચૂકી છે અને બન્ને માટે આશરે 1-1 હજાર લોકો પર ક્લિનિકલ સ્ટડી પણ થઈ રહી છે.’ ભાર્ગવે એક મોટી વાત કહી કે દુનિયામાં ઉપયોગમાં લેવાતી 60% વેક્સીન ભારતમાં જ બને છે. આ વાત દુનિયાના દરેક દેશને ખબર છે. જેના કારણે દરેક ભારતના સંપર્કમાં છે.
વેક્સીન બનાવવામાં લાગ્યા છે રશિયા સહિતના દેશ
ભાર્ગવે કહ્યું કે રશિયાએ પણ વેક્સીનની શોધ ઝડપી બનાવી છે અને પ્રાથમિક તબક્કામાં સફળતા પણ મળી છે. રશિયાએ વેક્સીન વિકસિત કરવામાં ઝડપ વધારી છે આ સાથે જ ચીન પણ વેક્સીન તૈયાર કરવામાં લાગ્યું છે. ચીનમાં પણ વેક્સીન પર ઝડપથી રિસર્ચ થઈ રહ્યું છે. તેમણે કહ્યું કે અમેરિકામાં બે વેક્સીન પર કામ ચાલી રહ્યું છે. તેમણે કહ્યું કે,’આજે તમે વાંચ્યુ હશે કે અમેરિકાએ પોતાના બે વેક્સીન કેન્ડિડેટ્સને ફાસ્ટટ્રેક કર્યા છે. ઈંગ્લેન્ડ પણ ઓક્સફર્ડ યુનિવર્સિટીના વેક્સિન કેન્ડિડેટ પર ઝડપથી કામ વધારવામાં લાગ્યું છે. તેઓ વ્યક્તિના ઉપયોગમાં આવે તે લાયક બનાવવામાં તત્પર છે.’