દિલ્હીમાં તૂટ્યો ઠંડીનો રેકોર્ડ, IMDએ જાહેર કર્યું રેડ એલર્ટ

નવી દિલ્હીઃ રાષ્ટ્રીય રાજધાની દિલ્હીમાં ડિસેમ્બરમાં ઠંડીએ અનેક વર્ષનો રેકોર્ડ તોડ્યો છે અને શનિવારે લઘુત્તમ તાપમાન 2.4 નોંધાયુ હતું. ભારત હવામાન વિભાગે શીતલહેરને જોતા શનિવાર અને રવિવાર માટે રેડ એલર્ટ જાહેર કર્યું છે. રેડ એલર્ટ ખૂબ જ પ્રતિકૂળ વાતાવરણનો સંકેત આપે છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો IMDએ જાહેર કર્યું એલર્ટ આઈએમડીએ વોર્નિંગ એવા સમયમાં જાહેર કરી છે જ્યારે રાજધાનીમાં કેટલીક જગ્યાએ તાપમાન 2 ડિગ્રીની નીચે રહ્યું હતું. જ્યારે સફદરજંગ એન્ક્લેવમાં તાપમાન 2.4 ડિગ્રી સેલ્સિયસ આસપાસ નોંધવામાં આવ્યુ હતું. 1992 પછી પહેલીવાર સફદરજંગ એન્કલેવમાં આટલું ન્યૂનત્તમ તાપમાન નોંધવામાં આવ્યું હતું. 1930માં અહીં ન્યૂનતમ તાપમાન 0.0 ડિગ્રી સેલ્સિયસથી નીચે નોંધાયુ હતું. વરસાદની પણ શક્યતા હવામાન વિભાગના જણાવ્યાનુસાર, 31 ડિસેમ્બર અને તેના પછી રાજધાની અને તેના નજીકના વિસ્તારો નોએડા, ગુરુગ્રામ, ગાઝિયાબાદ અને ફરીદાબાદ વરસાદની શક્યતા છે. આવું વાતાવરણ 3 જાન્યુઆરી સુધી રહેશે. નોંધનીય છે કે ગાઢ ધુમ્મસના કારણે હવાઈ મુસાફરી અને રેલ વ્યવહારને પણ અસર પહોંચી છે. તાજેતરની સેટેલાઈટ ઈમેજથી ઉત્તર-પશ્ચિમ ભારતના મોટાભાગના વિસ્તારમાં ગાઢ ધુમ્મસ જોવા મળે છે.