PM મોદીની મજાક AIBને ભારે પડી, નોંધાઈ FIR

I am Gujarat

ફરી વિવાદોમાં ફસાયું AIB

મુંબઈઃ વારંવાર વિવાદોમાં રહેતુ કોમેડિ ગ્રુપ AIB(ઓલ ઈન્ડિયા બક**) ફરી એક વખત વિવાદમાં આવ્યું છે. જોકે આ વખતે ચર્ચામાં એટલા માટે આવ્યું કેમ કે પીએમ મોદીની મજાક ઉડાવતી એક પોસ્ટ કરી હતી. સોશિયલ મીડિયા પર લોકોના વિરોધ બાદ AIBએ ટ્વિટ ડિલીટ કરી દીધી હતી. મુંબઈ પોલીસ દ્વારા AIB ગ્રુપ સામે એફઆઈઆર દાખલ કરી છે. આ વખતે AIBને મજાક ભારે પડી ગઈ છે.

શું કરી હતી પોસ્ટ જુઓ

AIB દ્વારા હાલમાં જ ટ્વિટર પર એક પોસ્ટ કરાઈ હતી, જેમાં પીએમ મોદી જેવા જ દેખાતા એક શખ્સનો ફોટો પોસ્ટ કર્યો હતો. રેલવે સ્ટેશન પર ઊભેલાં આ શખ્સ મોબાઈલમાં કંઈક ચેક કરી રહ્યાં છે તેવો ફોટો પોસ્ટ કરી વન્ડરલસ્ટનું કેપ્શન લખ્યું હતું.

AIB પર કોઈ જ અસર નથી

પીએમ મોદી પરની પોસ્ટ કર્યા બાદ તમામ બાજુથી AIB નિંદા કરવામાં આવી રહી છે. પરંતુ ગ્રુપના કોમેડીયન તન્મય ભટ્ટે આ વિવાદ બાદ ફરી એક ટ્વિટ કરી કહ્યું કે, ‘અમે જોક્સ બનાવતા રહીશું અને જરૂર પડશે તો તેને ડિલીટ પણ કરતાં રહીશું. તેમ છતાં જોક્સ બનાવવાનું બંધ નહીં કરીએ. જો જરૂર પડશે તો માફી પણ માંગીશુ. અમારા વિશે લોકો શું વિચારે છે તેનાથી અમને કોઈ જ ફર્ક નથી પડતો.’