બિહાર ચૂંટણી પરિણામ: 'ઉપગ્રહ કન્ટ્રોલ થઈ શકતા હોય તો EVM કેમ નહીં'- કોંગ્રેસ નેતા

બિહાર વિધાનસભા ચૂંટણીની મતગણતરી ચાલું છે. હજુ સુધી શરૂઆતના ટ્રેન્ડ ઈશારો કરી રહ્યા છે કે એનડીએ ફરીથી સત્તામાં આવી શકે છે. ટ્રેન્ડમાં મહાગઠબંધનની સીટો 100થી પણ ઓછી આવી રહી છે. બપોરના 12 વાગ્યા સુધીના ટ્રેન્ડમાં કોંગ્રેસ માત્ર 21 સીટ પર આગળ હતી. આ ટ્રેન્ડ્સ જોઈને કોંગ્રેસના રાષ્ટ્રીય પ્રવક્તા ડો. ઉદિત રાજે ટ્વીટ કર્યું છે કે, 'ઈવીએમ હેક કરી શકાય છે.' કોંગ્રેસના નેતાએ 12 વાગ્યે ટ્વીટ કર્યું, જ્યારે મંગળ ગ્રહ અને ચંદ્ર તરફ જતા ઉપગ્રહોની દિશાને ધરતીથી નિયંત્રિત કરી શકાય છે તો ઈવીએમ હેક કેમ ન કરી શકાય?

ઈવીએમના બહાને ડોનાલ્ડ ટ્રમ્પને પણ લપેટ્યા
ડો. ઉદિત રાજે ઈવીએમને લઈને એક વધુ ટ્વીટ કર્યુ છે. કોંગ્રેસના નેતાનું કહેવું છે કે, જો અમેરિકામાં પણ ઈવીએમથી ચૂંટણી થાય તો શું ટ્રમ્પ હારી શકતા હતા? ડો. રાજેને બંને ટ્વીટ્સ માટે ખૂબ ટ્રોલ કરવામાં આવી રહ્યા છે.

ઉદિત રાજેએ એક ચેનલને વાતચીતમાં કહ્યું, મહાગઠબંધન જીતી પણ જાય તો વ્યવસ્થા જવી જોઈએ. તેમણે કહ્યું કે, જર્મની, અમેરિકા જેવા ઘણા દેશોએ તેને એડોપ્ટ કરી હતી પરંતુ હટાવી દીધી. તેમણે કહ્યું કે, હરિયાણામાં કાંડ થયો છે. એક જ ગામના 16 છોકરાઓને તૈયાર કરવામાં આવ્યા. તે દરેક ગામમાં ગયા. બ્લૂટૂથમાં કોડિંગ કરવમાં આવી 1,2,3,4... અને તેઓ વોટ આપવામાં સક્ષમ થયા. ચૂંટણી પંચ પાસે તેનો શું જવાબ છે?

હવે ટ્રોલ થઈ રહ્યા છે કોંગ્રેસ નેતા
ડો. ઉદિત રાજેના ઈવીએમ પર આ બે ટ્વીટ યુઝર્સ માટે મજાકનું કારણ બની ગયું. સુનીલ મલ્હોત્રા નામના યુઝરે લખ્યું, 'સારું હોત થોડું વિજ્ઞાન તમે ભણ્યા હોત. જ્યારે ઈલેક્શન કમિશને બધાને ઓપન ચેલેન્જ આપી હતી ઈવીએમ હેક કરવાની ત્યારે તો કોઈ સાબિત ન કરી શક્યું. હવે અહીં ઢોલ કેમ વગાડી રહ્યા છો.' અક અન્ય યુઝરે મજાક કરતા લખ્યું, 'બિલકુલ થઈ શકે છે. તમે કોંગ્રેસના અધ્યક્ષની ચૂંટણી લડો, જીતાડવાની ગેરંટી અમારી.'