યોગિતા રાવ, મુંબઈઃ ચીનથી આખી દુનિયામાં ફેલાયેલ નોવેલ કોરોના વાયરસે સમગ્ર દુનિયાને જાણે કે પોતના રાક્ષસી ભરડામાં જકડીને આતંક મચાવ્યો છે. તેનો પહેલો કિસ્સો ડિસેમ્બર 2019 માં ચીનના હુબેઇ પ્રાંતના વુહાનમાં સામે આવ્યો હતો, ત્યારથી વાયરસએ આખી દુનિયાને ઘેરી લીધી છે. એટલું જ નહીં, આ જીવલેણ વાયરસ સતત પોતાનું સ્વરુપ બદલીને 10 જુદા જુદા પ્રકારોમાં બદલાઈ ચૂક્યો છે. તેમાં જ આ વાયરસનું A2a સ્વરૂપ પણ છે. જે હાલ આ વાયરસનો 11મો પ્રકાર છે. સંશોધન દર્શાવે છે કે A2a પ્રકારનો કોરોના વાયરસ વધુ જોખમી છે અને હવે તે આખા વિશ્વમાં સૌથી વધુ ચેપ ફેલાવી રહ્યો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
NIGBએ કર્યું સંશોધન
નેશનલ ઇન્સ્ટિટ્યૂટ ઓફ બાયોમેડિકલ જિનોમિક્સ, કલ્યાણી બંગાળ (NIBG)ના સંશોધનમાં બહાર આવ્યું છે કે A2a વાયરસ અન્ય પ્રકારના વાયરસની જગ્યાએ સમગ્ર વિશ્વમાં ફેલાયો છે. નિધાન વિશ્વાસ અને પ્રથા મજૂમદારનું આ સંશોધન ટૂંક સમયમાં ઇન્ડિયન જર્નલ ઓફ મેડિકલ રિસર્ચમાં પ્રકાશિત થનાર છે.
11મો પ્રકાર ફેંફસાને કરે છે વધુ નુકસાન
સંશોધનમાં સામે આવ્યું કે A2a વાયરસ વધારે ખતરનાક છે અને માનવીના ફેફસામાં મોટા પ્રમાણમાં ઘુસણખોરી કરવાની ક્ષમતા ધરાવે છે. અગાઉના SARSCoV વાયરસ, જેણે દસ વર્ષ પહેલાં 800 લોકોનો ભોગ લીધો હતો અને 8,000 થી વધુ લોકોને ચેપ લગાવ્યો હતો, તેણે પણ માનવોના ફેફસાંમાં પ્રવેશવાની ક્ષમતા વિકસાવી હતી. જો કે, તેની પાસે આ ક્ષમતા એટલી નહોતી જેટલી A2a વાયરસ પાસે છે. સંશોધન મુજબ, A2a વાયરસનું સંક્રમણ વધુ ઝડપથી થાય છે અને કોવિડ -19નો આ પ્રકાર ખૂબ જ ઝડપથી સમગ્ર વિશ્વમાં ફેલાઈ રહ્યો છે.
આ રિસર્ચથી વેક્સિન બનાવવામાં મદદ
માનવામાં આવે છે કે વિશ્વાસ અને મજૂમદારના આ સંશોધનથી કોરોના માટે રસી બનાવતા વૈજ્ઞાનિકો માટે નોંધપાત્ર મદદ મળશે. સંશોધન મુજબ છેલ્લા 4 મહિનામાં મળેલા 10 પ્રકારના કોવિડ -19 વાયરસ પોતાના જૂના ‘O’ પ્રકારના હતા. માર્ચના છેલ્લા અઠવાડિયાથી A2a વાયરસે જૂના પ્રકારના વાયરસની જગ્યા લેવાનું શરું કરી દીધું. તે હવે સમગ્ર વિશ્વમાં ફેલાઈ ચૂક્યો છે. મજૂમદારે કહ્યું, “તે બીજા પ્રકારનાં વાયરસને રિપ્લેસ કરી ચૂક્યો છે. અને SARSCoV2નો એક શક્તિશાળી પ્રકાર બની ગયો છે.”
શોધમાં RNA સીક્વન્સ ડેટાનો ઉપયોગ
NIBGના સંશોધનકારોએ RNA સિક્વેન્સ ડેટાનો ઉપયોગ કર્યો. કોવિડ -19 પર સંશોધન કરી રહેલા આખા વિશ્વના સંશોધનકારો દ્વારા આ ડેટા બહાર પાડવામાં આવ્યો છે. ભારતીય સંશોધનકારોએ RNA સિક્વેન્સ ડેટાનો ઉપયોગ કર્યો. ડિસેમ્બર 2019 થી 6 એપ્રિલ સુધીમાં 55 દેશોમાંથી એકત્રિત 3,600 કોરોના વાયરસ પર RNA સિક્વન્સનો ઉપયોગ કરવામાં આવ્યો હતો. NIGBના ફાઉન્ડિંગ ડાયરેક્ટ અને પ્રોફેસર મજૂમદારે કહ્યું, ‘કોરોના વાયરસને ઘણા પ્રકારોમાં વહેંચી શકાય છે. તેને O, A2, A2a, A3, B, B1 અને અન્ય પ્રકારોમાં વહેંચી શકાય છે. હાલમાં આ વાયરસના 11 પ્રકાર છે. તેમાં O પ્રકાર પણ છે જે તેનો જૂનો પ્રકાર છે અને વુહાનમાં ફેલાયો હતો. ‘ તેઓએ જણાવ્યું હતું કે આ રીતે સતત મ્યુટેડ અને પરિવર્તિત થતાં વાયરસથી ટ્રાન્સમિશનનું જોખમ વધારે છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.