નવી દિલ્હીઃ કોરોના વાયરસના ચેપને અટકાવવા માટે વર્લ્ડ હેલ્થ ઓર્ગેનાઈઝેશને 14 દિવસના ક્વોરન્ટીન પ્રોટોકોલનો અમલ કરવાની અપીલ કરી છે. મોટા ભાગના દેશો આનું પાલન કરી રહ્યા છે. ભારતમાં પણ આ જીવલેણ વાયરસનો ફેલાવો રોકવા માટે ક્વોરન્ટીન પ્રોટોકોલ તૈયાર કરવામાં આવ્યો છે. જોકે, ભારતની દિગ્ગજ મહિલા બોક્સર અને રાજ્ય સભાના સાસંદ એમસી મેરીકોમે આ પ્રોટોકોલનો ભંગ કર્યો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોમેરીકોમ તાજેતરમાં જ જોર્ડનના અમાન ખાતે રમાયેલી એશિયા-ઓસેનિયા ઓલિમ્પિક ક્વોલિફાયર્સમાં ભાગ લઈને પરત ફરી છે. મેરીકોમ 13 માર્ચે ભારત પરત ફરી હતી અને તેને 14 દિવસ સુધી સેલ્ફ-આઈસોલેશનમાં રહેવાની જરૂર હતી. પરંતુ 18મી માર્ચે મેરીકોમે રાષ્ટ્રપતિ ભવન ખાતે રાષ્ટ્રપતિ રામ નાથ કોવિંદ દ્વારા આયોજીત બ્રેકફાસ્ટમાં ભાગ લીધો હતો.President Kovind hosted Members of Parliament from Uttar Pradesh and Rajasthan for breakfast at Rashtrapati Bhavan this morning. pic.twitter.com/Rou6GLrSHH— President of India (@rashtrapatibhvn) March 18, 2020રાષ્ટ્રપતિના સત્તાવાર ટ્વિટર પેજ પર ચાર તસવીરો પોસ્ટ કરવામાં આવી છે જેમાં સંસદના અન્ય સભ્યો સાથે મેરીકોમ પણ હાજર રહી હતી. આ તસવીરો સાથે લખવામાં આવ્યું છે કે, રાષ્ટ્રપતિ કોવિંદે ઉત્તર પ્રદેશ અને રાજસ્થાનના સંસદ સભ્યો માટે રાષ્ટ્રપતિ ભવન ખાતે બ્રેકફાસ્ટનું આયોજન કર્યું હતું.નોંધનીય છે કે આ જ દિવસે ભાજપના સાંસદ દુષ્યંત સિંહ એક પાર્ટીમાં ગયા હતા જ્યાં કોરોના વાયરસથી ચેપગ્રસ્ત બોલીવૂડ સિંગર કનિકા કપૂરના સંપર્કમાં આવ્યા હતા. દુષ્યંત સિંહ પણ રાષ્ટ્રપતિ ભવન ખાતે હાજર રહ્યા હતા. દુષ્યંત સિંહ હાલમાં ક્વોરન્ટીનમાં છે.બોક્સિંગ કોચ સેન્ટિઆગો નેઈવાએ શુક્રવારે જણાવ્યું હતું કે, જોર્ડનમાં ભાગ લઈને પરત ફરેલા ભારતીય બોક્સિંગ દળના તમામ સભ્યો 14 દિવસના ફરજીયાત ક્વોરન્ટીમાં છે. તેમણે કહ્યું છે કે અમે 10 દિવસનું આયોજન કર્યું હતું પરંતુ હવે 14 દિવસ થઈ ગયા છે. મેં એક ટ્રેનિંગ પ્રોગ્રામ તૈયાર કર્યો છે અને તેઓ ક્વોરન્ટીન બાદ તેનો અમલ કરશે.મેરીકોમે સ્વીકાર્યું છે કે તે રાષ્ટ્રપતિ ભવન ખાતે કાર્યક્રમમાં હાજર રહી હતી. તેણે એક નિવદેન જારી કરીને કહ્યું છે કે, જોર્ડનથી પરત આવ્યા બાદ હું ઘરમાં જ રહી છું. મેં ફક્ત રાષ્ટ્રપિતના કાર્યક્રમમાં હાજરી આપી હતી અને આ દરમિયાન હું દુષ્યંત સિંહને મળી નથી અને તેમની સાથે હાથ પણ મીલાવ્યા નથી. જોર્ડનથી પરત આવ્યા બાદ મારો ક્વોરન્ટીન સમાપ્ત થયો છે. જોકે, હું હજી આગામી ત્રણ-ચાર દિવસ સુધી ઘરે જ રહીશ.