મિસ્ડ કોલથી શરૂ થયો પ્રેમ, પોલીસ સ્ટેશનમાં થયા લગ્ન

જૌનપુરઃ પ્રેમ ક્યારે, ક્યાં અને કેવી રીતે થઈ જાય તેનો કોઈ ચોક્કસ સમય નથી હોતો. આવો જ એક મામલો યુપીમાં સામે આવ્યો છે. મિસ્ડ કોલથી શરૂ થયેલી વાતચીત પ્રેમમાં બદલાઈ ગઈ. કોઈ ફિલ્મની સ્ટોરીની જેમ પરિવાર પણ તેમનો વિરોધ કર્યો. ત્રણ દિવસની પંચાયત બાદ શુક્રવારે પોલીસ સ્ટેશનમાં બંનેએ કરાવી દેવાઈ.જાણકારી મુજબ યુપીના જવંસીપુર ગામના નિવાસી રામપાલ કન્નોજિયાની દીકરી ગુડ્ડી દેવી આઠ મહિના પહેલા કોઈને ફોન લગાવી રહી હતી. એક નંબર ખોટો લાગી ગયો અને ફોન રજનીશ લોધી નામના યુવકના મોબાઈલ પર મિસ્ડ કોલ જતો રહ્યો. મિસ્ડ કોલ નંબર પર રજનીસે ફોન કર્યો તો ગુડ્ડી સાથે વાત થઈ અને ધીરે-ધીરે બંનેની વાતો વધતી ગઈ. વાત એટલી વધી ગઈ કે રજનીસ ભોપાલમાં નોકરી છોડીને ભદોહી આવી ગયો અને ત્યાં કામ કરવા લાગ્યો. આ બાદ ગુડ્ડી તેને મળવા ગઈ અને બંને એક-બીજાના થઈ ગયા. આ બાદ બંને 4 માર્ચે હરદોઈ આવી ગયા.બીજી તરફ ગુડ્ડીના પરિવાજનોએ શોધખોળ કરતા જાણ થઈ કે રજનીશ નામના યુકવ સાથે તે વાત કરતી હતી. બહેનપણીઓના કહ્યા બાદ પરિજનો ભદોહી ગયા અને યુવકની માહિતી એકઠી કરીને રજનીશ પર સગીર યુવતીના અપહરણનો કેસ દાખલ કર્યો.આ બાદ પોલીસ અને ગુડ્ડીના માતાપિતા હકદોઈ હયા અને ગુડ્ડી અને પ્રેમીને પકડીને પોલીસ સ્ટેશન લાવ્યા. યુવતી પોતાની જીદ પર અડગ રહી અને રજનીશ સાથે લગ્ન કરવા કહ્યું. ત્રણ દિવસ પંચાયત ચાલી અને બંનેના લગ્ન માટે પરિવાર રાજી થયો. બાદમાં પોલીસ સ્ટેશનની સામે શંકર ભગવાનના મંદિરમાં શુક્રવારે બંને લગ્નનાં બંધનમાં બંધાયા. આ અનોખા પ્રેમ લગ્નની ખૂબ ચર્ચા થઈ રહી છે. આ સંબંધમાં સ્ટેશન ઈન્ચાર્જે જણાવ્યું કે બધા પ્રમાણપત્રોની તપાસ કરતા જાણ થઈ કે બંને પુખ્ત વયના છે.