ભારતે અમેરિકા, બ્રિટન કે કેનેડા નહીં પણ ભુતાનને ભેટમાં આપી કોરોનાની રસી

ભારત તરફથી ભૂતાનને એક ગિફ્ટ તરીકે આજે સવારે કોરોના વાયરસની વેક્સીન કોવિડ-19 વેક્સીન (Covid-19 Vaccine) કોવિશીલ્ડના 1.5 લાખ ડોઝ મોકલાયા છે. વેક્સીન મુંબઈના છત્રપતિ શિવાજી મહારાજ ઈન્ટરનેશનલ એરપોર્ટથી બુધવારે સવારે ભુતાનના થિમ્ફુ માટે રવાના થઈ. વેક્સીન બનાવવાની શરુઆતમાં જ અમેરિકા-બ્રિટન જેવા વિકસિત દેશોએ પોતાના માટે ઘણાં વેક્સીનના ડોઝ મંગાવ્યા હતા, જ્યારે ભારતે પાડોશી દેશને પણ વેક્સીનનો સપ્લાય કરવાનું શરુ કરી દીધું છે.

અહીં એકવાર એ ધ્યાને લેવા જેવી છે કે હજુ રસીકરણ પોતાના શરુઆતના તબક્કામાં છે, પરંતુ ભારતે પોતાના પાડોશી દેશની મદદ કરવા માટે મોટું પગલું ભર્યું છે. સૂત્રો મુજબ આજે આ તમામ ડોઝ થિમ્ફુ પહોંચી જશે. જણાવી દઈએ કે ભુતાન પહેલો દેશ છે, જ્યાં ભારત તરફથી કોરોના વેક્સીન ગિફ્ટ સ્વરુપે મોકલાઈ છે. આ કોવિશીલ્ડ વેક્સીન સીરમ ઈન્સ્ટીટ્યુટ ઓફ ઈન્ડિયાએ બનાવી છે.

ભારત અને ભુતાન વચ્ચે ખાસ સંબંધને ધ્યાનમાં રાખીને ભારતે કોરોના કાળમાં તમામ જરુરી સામાન સપ્લાયને સુનિશ્ચિત કર્યો હતો. ભારતે અત્યાર સુધી દવાઓ, મેડિકલ સામાન, પેરાસિટામોલ, હાઈડ્રોક્સીક્લોરોક્વિન, પીપીઈ કિટ, N-95 માસ્ક, એક્સ-રે મશીન અને ટેસ્ટ કિટ ભુતાન સુધી પહોંચાડ્યા છે. આ સામાનની કિંમત લગભગ 2.8 કરોડ રુપિયા થાય છે. ભારત ભુતાનની સાથે એક ટ્રાન્સપોર્ટ બબલ એગ્રીમેન્ટ પણ કર્યો, જેથી બન્ને દેશો વચ્ચે સુરક્ષિત હવાઈ મુસાફરી સુનિશ્ચિત કરી શકાય.

મુંબઈના છત્રપતિ શિવાજી મહારાજ ઈન્ટરનેશનલ એરપોર્ટથી આજે સવારે જ ભુતાન માટે વિમાન રવાના થયું છે. જેમાં 1.5 લાખ ડોઝ રવાના કરવામાં આવ્યા છે.