દલિત નેતાએ કેન્દ્રીય પ્રધાન હેગડેની જીભ કાપનાર માટે જાહેર કર્યું ઈનામ
બેંગલુરુઃ કર્ણાટકના કલાબુર્ગી જિલ્લા પંચાયતના પૂર્વ સભ્ય અને દલિત આગેવાન ગુરુશાંત પાટેદરે કેન્દ્રીય પ્રધાન અનંતકુમાર હેગડેની જીભ કાપનારને રુ. 1 કરોડનું ઇનામ જાહેર કર્યું છે. રવિવારે કર્ણાટકમાં હેગડેએ એક જાહેરસભામાં કહ્યું કે, ‘બંધારણમાં સમયના પરિવર્તન સાથે બદલાવની જરુર છે. જે લોકો એમ કહે છે કે તેઓ સેક્યુલર છે તેઓ પોતાના પૂર્વજો અંગે જાણતા નથી.’ તેમના આ વિધાને વિવાદનો નવો વંટોળ ઉભો કર્યો છે.
અસદુદ્દીન ઓવેસીની પાર્ટીનો સભ્ય છે દલિત આગેવાન પાટેદર
પાટેદર અસદુદ્દીન ઓવેસીની મજલિસ-એ-ઈત્તેહાદુલ મુસલીમીન પાર્ટીનો સભ્ય છે. તેણે અમારા સહયોગી ટાઇમ્સ ઓફ ઇન્ડિયા સાથે વાત કરતા જણાવ્યું કે ‘હેગડેના નિવેદનથી દલિ, મુસ્લીમ અને અન્ય પછાત જ્ઞાતિઓની લાગણી દુભાઈ છે. આ કારણે મે આ ઇનામની જાહેરાત કરી છે. આ મારા વ્યક્તિગત પૈસા છે જે હું હેડગેની જીભ કાપનાર વ્યક્તિને આપીશ.’ તેણે વધુમાં કહ્યું કે, મારી આ જાહેરાત અંગે ઓવેસીએ મને ફોન પણ કર્યો હતો અને મારી પ્રશંસા કરી હતી.
ધર્મ-જાતીની ઓળખ ખોટી નથી, ધર્મનિરપેક્ષતા છે દંભી વસ્તુ
કેન્દ્રીય પ્રધાન હેગડેએ રવિવારે કર્ણાટકમાં એક કાર્યક્રમમાં કહ્યું કે, ‘પોતાની જાતને બુદ્ધીજીવીઓ અને ધર્મનિરપેક્ષો ગણાવતા લોકો કે જે ધર્મમાં નથી માનતા તેઓને પોતાના પૂર્વજોની જ જાણકારી હોતી નથી. મને એવા લોકો સામે વિરોધ નથી કે જેઓ કહે છે કે હું મુસલમાન છું કે ક્રિશ્ચિન છું કે લિંગાયત છું. પરંતુ ધર્મનિરપેક્ષ લોકો મુરખ હોય છે. આજકાલ કેટલાક લોકોએ એક નવી ટ્રેડિશન શરુ કરી છે. જેમાં તે લોકો પોતાને ધર્મનિરપેક્ષ તરીકે ઓળખાવે છે અને હું આનો વિરોધ કરું છું.’ હેગડે કુકનુર ખાતે બ્રાહ્મણ યુવા પરિષદના એક કાર્યક્રમમાં બોલતા હતા.
આમ્બેડકરના બંધારણમાં હાલના સમય પ્રમાણે ફેરફાર કરવાની જરુર
તેમણે કહ્યું કે, ‘બંધારણ આજે પણ દશકાઓ જૂના આમ્બેડકરના વિચારોના આધારે ચાલે છે. જેને હકીકતમાં સમય સમય પર માગ પ્રમાણે બદલતા રહેવાની જરુર છે.’ તેમના આ નિવેદનને પગલે કર્ણાટક દલિત યુવા સંગઠનના કાર્યકર્તાઓએ વિરોધ પ્રદર્શન શરુ કર્યા છે. તેમણે માગણી કરી છે કે હેગડેને તાત્કાલિક પ્રધાનપદ પરથી દૂર કરવામાં આવે. તેમજ તેમણે હેગડેનું પૂતળું પણ બાળ્યું હતું.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.