ખોટા વચનો આપવાની સ્પર્ધામાં યોજાય તો કેજરીવાલ ચેમ્પિયન બનશેઃ અમિત શાહ

નવી દિલ્હીઃ ગૃહમંત્રી અમિત શાહે કહ્યું છે કે જો ખોટા વચનોની સ્પર્ધા યોજવામાં આવે તો દિલ્હીના મુખ્યમંત્રી અરવિંદ કેજરીવાલને પ્રથમ ઈનામ મળશે. અમિત શાહે ગુરૂવારે ઉત્તમ નગરમાં રોડ શો કર્યો હતો અને મટિયાલામાં એક રેલીને સંબોધિત કરી હતી જેમાં તેમણે કેજરીવાલ પર પ્રહારો કર્યા હતા. આ દરમિયાન તેમની સાથે ભાજપના નવનિયુક્ત અધ્યક્ષ જેપી નડ્ડા પણ હાજર રહ્યા હતા. ટૂંક સમયમાં જ દિલ્હી વિધાનસભાની ચૂંટણી યોજાવાની છે અને તેથી તમામ પાર્ટીઓ પૂરો જોશમાં પ્રચાર કરી રહી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો શાહે કહ્યું છે કે જો દેશમાં ખોટા વચનોની સ્પર્ધા હોય તો અરવિંદ કેજરીવાલને પ્રથમ ઈનામ મળશે. કેજરીવાલજી સાડા ચાર વર્ષ સુધી કહેતા રહ્યા છે કે મોદીજીએ તેમને કામ કરવા દીધું નથી તેથી દિલ્હીમાં કોઈ વિકાસનું કાર્ય થઈ રહ્યું નથી. હવે તેઓ કહે છે કે તેમણે દિલ્હીમાં પાંચ વર્ષમાં વિકાસ કર્યો છે, તેથી ‘લગે રહો કેજરીવાલ.’ હું કેજરીવાલજીને યાદ અપાવવા આવ્યો છું કે તમે જે વચનો આપ્યા હતા તે ભૂલી ગયા છો પરંતુ દિલ્હીની જનતા નથી ભૂલી અને ભાજપના કાર્યકર્તા પણ નથી ભૂલ્યા. તમે અણ્ણા હજારેની મદદથી મુખ્યમંત્રી બન્યા પરંતુ તમે લોકપાલ માટે કાયદો બનાવ્યો નથી અને જ્યારે મોદીજી લઈને આવ્યા તો તમે તેને લાગું કરવા દીધો નહીં, તેમ તેમણે જણાવ્યું હતું. ગૃહમંત્રી અમિત શાહે કોંગ્રેસ પર આર્ટિકલ 370ને લઈને પ્રહાર કર્યા હતા. તેમણે કહ્યું હતું કે રાહુલ બાબા અને કંની તૈયાર હતી, તેમણે તાત્કાલિક વિરોધ કર્યો અને કહ્યું કે આર્ટિકલ 370ને ન હટાવો, ખૂનની નદીઓ વહેશે. આ મોદી સરકાર છે, એક ગોળી ચાલી નથી. હવે જમ્મુ-કાશ્મીર સંપૂર્ણ રીતે ભારતનો હિસ્સો છે.