એપશહેર

દિલ્હીમાં આગ: તપાસના આદેશ, માલિકની ધરપકડ

વિપુલ પટેલ | I am Gujarat 21 Jan 2018, 8:20 am
I am Gujarat delhi fire factory owner arrest
દિલ્હીમાં આગ: તપાસના આદેશ, માલિકની ધરપકડ


3 ફેક્ટરીઓમાં લાગેલી આગમાં 17 લોકોના મોત

દિલ્હી: રાજધાનીના બવાના ઈન્ડસ્ટ્રિયલ એરિયામાં શનિવારે 3 ફેક્ટરીઓમાં ભીષણ આગ લાગી ગઈ. આગમાં 17 લોકોના મોત થઈ ગયા, જ્યારે ઘણા લોકો ઘાયલ થઈ ગયા. જાણવા મળ્યા મુજબ આગ ફટાકડા, પ્લાસ્ટિક અને કાર્પેટ ફેક્ટરીઓમાં લાગી હતી. મૃતકોમાં 8 મહિલાઓ હતી. રાષ્ટ્રપતિ રામનાથ કોવિંદ, વડાપ્રધાન નરેન્દ્ર મોદી અને દિલ્હીના સીએમ અરવિંદ કેજરીવાલે ઘટના પર દુઃખ વ્યક્ત કર્યું છે. કેન્દ્રિય સ્વાસ્થ્ય મંત્રી જે પી નડ્ડાએ સ્વાસ્થ્ય સચિવને આદેશ આપ્યો છે કે, બવાના અગ્નિકાંડના પીડિતોને તાત્કાલિક મદદ પૂરી પાડવામાં આવે. તે ઉપરાંત નડ્ડાએ એમ્સ ટ્રોમા સેન્ટરને એલર્ટ રહેવા નિર્દેશ આપ્યો છે.

એક યુનિટના કો-ઓનરની ધરપકડ

બીજી તરફ પોલીસે એક વ્યક્તિની અટકાયત કરી પૂછપરછ પણ કરી છે. રોહિણીના ડેપ્યુટી કમિશનર રજનીશ ગુપ્તાએ જણાવ્યું કે, કેસ નોંધી લેવાયો છે અને આ યુનિટના કો-ઓનર મનોજ જૈનની ધરપકડ પણ કરી લેવાઈ છે. આ યુનિટ મનોજ જૈન અને લલિત ગોયલ ચલાવતા હતા. એ બાબતની તપાસ કરવામાં આવી રહી છે કે, તે આ જગ્યાના માલિક છે કે તેમણે તેને ભાડે લીધેલી છે.

સાંજે 6.20 કલાકે લાગી હતી આગ

હાલ આગ પર કાબુ મેળવી લેવાયો છે. ઘટના સ્થળ પર ફાયરબ્રિગેડની એક ડઝનથી વધુ ગાડીઓ પહોંચી ગઈ છે. આગ સૌથી પહેલા સેક્ટર 5માં સાંજે લગભગ 6 કલાકને 20 મિનિટે લાગી. જાણવા મળ્યા મુજબ આગ એક ફટાકટા ફેક્ટરીના બેઝમેન્ટ અને ફર્સ્ટ ફ્લોર પર લાગી. આગનું કારણ હજુ જાણવા મળ્યું નથી. બવાના ઈન્ડસ્ટ્રીયલ એરિયા કનોટ પ્લેસથી 35 કિલોમીટર દૂર છે.

આગ પર કાબુ મેળવી લેવાયો

દિલ્હી ફાયર સર્વિસના ડાયરેક્ટર જી સી મિશ્રાએ જણાવ્યું કે, ‘અમને બવાના સેક્ટર 1ની પ્લાસ્ટિક ફેક્ટરી, સેક્ટર 5ની ફટાકટા ફેક્ટરી અને ત્રીજો કોલ એક ઓઈલ સ્ટોરેજ ડિપોથી મળ્યો હતો. બધા મોત સેક્ટર 5માં લાગેલી આગમાં થઈ છે. આગ પર કાબુ મેળવી લેવાયો છે. અત્યાર સુધીમાં અમને 17 લાશો મળી છે.’

પીએમએ ટ્વીટ કરી દુઃખ વ્યક્ત કર્યું

દિલ્હીના સીએમએ આપ્યો તપાસનો આદેશ

લેખક વિશે
વિપુલ પટેલ
વિપુલ પટેલ છેલ્લા 19 વર્ષ કરતા વધુ સમયથી પત્રકારના ક્ષેત્રમાં છે. કારકિર્દીની શરૂઆતમાં ક્રાઈમ, કોર્ટ અને મ્યુનિસિપલ કોર્પોરેશનનું રિપોર્ટિંગ કરવા ઉપરાંત તેઓ ન્યૂઝ એડિટિંગના કામનો પણ બહોળો અનુભવ ધરાવે છે. તેમણે ગુજરાત યુનિવર્સિટીમાંથી ગ્રેજ્યુએશન (બીએ વિથ ઈંગ્લિશ) કર્યું છે. ત્યારબાદ ડિપ્લામા ઈન જર્નાલિમઝ કરી પત્રકારના ક્ષેત્રમાં જોડાયા. તેઓ વેસ્ટર્ન ટાઈમ્સ, આજકાલ, સંદેશ અને દિવ્ય ભાસ્કર જેવા અખબારોમાં એડિટિંગનું કામ અને દિવ્ય ભાસ્કરની વેબસાઈટમાં પણ કામ કરી ચૂક્યા છે.... વધુ વાંચો

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો