હાઈકોર્ટનો આદેશ, '...તો છપાક સિનેમાઘરોમાંથી ઉતરાવી લઈશું'

નવી દિલ્હીઃ મેઘના ગુલઝાર નિર્દેશિત ફિલ્મ છપાક આ વીકેન્ડ રીલિઝ થઈ ચુકી છે. જેમાં લીડ રોલમાં દીપિકા પાદુકોણે પોતાનો અભિનય આપ્યો છે. જોકે આ ફિલ્મ રિલીઝ પહેલાથી જ કાયદાકીય દાંવપેચના કારણે ચર્ચામાં રહી હતી. આ ફિલ્મ એસિડ એટેક સર્વાઈવર લક્ષ્મી અગ્રવાલની છે. જેના વકીલ અપર્ણા ભટ્ટે ફિલ્મ મેકર્સ વિરુદ્ધ દિલ્હી હાઈકોર્ટમાં અપીલ કરી હતી. હવે દિલ્હી હાઈકોર્ટે પોતાનો ચૂકાદો સંભળાવતા વકીલ અર્પણા ભટ્ટને ક્રેડિટ આપ્યા વગર ફ્લિમના સ્કીનિંગ પર પ્રતિબંધ મુકવાનો આદેશ આપ્યો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ANIના અહેવાલ મુજબ દિલ્હી હાઈકોર્ટે વકીલ અપર્ણા ભટ્ટને ક્રેડિટ આપ્યા વગર ફિલ્મની રિલીઝ પર પ્રતિબંધ આપ્યો છે. અપર્ણા ભટ્ટે લક્ષ્મી અગ્રવાલની કાયદાકીય લડાઈ લડી હતી. આ પ્રતિબંધ આગામી 15 જાન્યુઆરીથી મલ્ટીપ્લેક્સમાં અને 17 જાન્યુઆરીથી લાઈવ સ્ટ્રીમિંગ પ્લેટફોર્મ પર લાગુ પડશે. જણાવી દઈએ કે આ પહેલા દિલ્હી હાઈકોર્ટે છપાક ફિલ્મના નિર્માતાઓને વકીલ અપર્ણા ભટ્ટને ક્રેડિટ આપવા માટે આદેશ આપ્યો હતો. રિપોર્ટ્સનું માનીએ તો દિલ્હી હાઈકોર્ટે ફોક્સ સ્ટાર સ્ટુડિયોની એક અરજી પર સુનાવણી દરમિયાન આ આદેશ આપ્યો છે. આ અપીલ ફિલ્મ નિર્માતાઓ દ્વારા વકીલ અપર્ણા ભટ્ટની ક્રેડિટ માગતી અપીલના વિરોધમાં દાખલ કરવામાં આવી હતી. જજ પ્રતિભા એમ સિંહે શુક્રવારે આદેશ સુરક્ષિત રાખી લીધો હતો. કોર્ટે શનિવારે સવારે આદેશ આપવાની જાહેરાત કરી હતી. આમ તો દીપિકાની ફિલ્મ છપાક પહેલાથી જ ચર્ચામાં છે. ફર્સ્ટ લુકથી લઈને રિલીઝ થતા પહેલા સોશિયલ મીડિયામાં બાયકોટ છપાક હેશટેગ પણ ટ્રેન્ડિંગ થયું હતું.