મેટ્રો સ્ટેશને રુ. 1.22 લાખ રુપિયા ભરેલી બેગ ભુલાઈ, જવાને સહીસલામત પહોંચાડી

નવી દિલ્હીઃ GTB નગર મેટ્રો સ્ટેશન પર સોમવારે એક વ્યક્તિ પોતાની રુપિયા ભરેલી બેગ અને કેટલોક સામાન સ્ટેશન પર ભૂલી ગયો હતો. જે બાદમાં મેટ્રો સ્ટાફે વ્યક્તિને પરત કર્યો હતો. વ્યક્તિ ઉતાવળમાં 1.22 લાખ રુપિયા ભરેલી બેગ મેટ્રો સિક્યોરિટી ચેક પોઇન્ટ પર લાગેલા બેગેજ સ્કેનરમાં ભૂલી ગયો હતો. એ પહેલા કે બેગ કોઈ બીજાના હાથે લાગે CISFના સુરક્ષાકર્મીની તેના પર નજર પડી અને તેમણે બેગને સુરક્ષિત કસ્ટડીમાં લઈ લીધી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: CISFના પ્રવક્તા હેમેન્દ્ર સિંહે કહ્યું કે, સોમવારે સાંજે 5-30 વાગ્યાની આજુબાજુ મેટ્રોનિ યેલો લાઇન પર આવેલ GBT મગર સ્ટેશન પર સિક્યોરિટી ચેક પોઇન્ટ પર તહેનાત સુરક્ષાકર્મીએ બેગેજ સ્કેનરના આઉટપુટ રોલર પર એખ અજ્ઞાત લાવારિસ બેગ પડેલી જોઈ. ઘણીવાર સુધી કોઈ બેગ લેવા ન આવ્યું તો સુરક્ષાકર્મીએ પોતાના ઉપરને જાણ કરી અને પછી બેગ કબ્જામાં લેવામાં આવી. તપાસ માટે બેગને સ્કેનરમાં પરત નાખવામાં આવી પરંતુ તેમાં કોઈ સંદિગ્ધ વસ્તુ મળી નહીં. પછી સ્ટેશન કંટ્રોલરની હાજરીમાં ફિઝિકલ ચેકિંગ માટે બેગને ખોલવામાં આવી તો તેમાં 1.22 લાખ રુપિયા મળી આવ્યા. જે બાદ સાંજે 6 વાગ્યાની આસપાસ મોહમ્મદ નફીસ નામનો વ્યક્તિ હાંફળોફાંફળો રેલવે સ્ટેશન પર પહોંત્યો અને સુરક્ષાકર્મીઓને પોતાની બેગ ક્યાંક ભુલાઈ ગઈ હોવાનું જણાવ્યું. જે બાદ તેને સ્ટેશન કંટ્રોલર પાસે લઈ જવાયો. જ્યાં તેણે બેગની ઓળખ આપ્યા બાદ CCTV ફુટેજની તપાસ કરતા સ્પષ્ટ થઈ ગયું કે આ બેગ નફિસની છે. જે બાદ તેને બેગ સોંપવી દેવામાં આવી.