દેશી કોરોના વેક્સીન Covaxinનું 50 પર ટ્રાયલ, પરિણામ ઉત્સાહજનક રહ્યું

રોહતકઃ ભારતની પહેલા કોરોના વાયરસ વેક્સીન Covaxinનું ટ્રાયલ ઝડપથી આગળ વધી રહ્યું છે. PGI રોહતકમાં માનવો પર કરાયેલા તેના ફેઝ 1 ટ્રાયલનો પહેલા ભાગ પૂરો થઈ ગયો છે. દેશભરમાં 50 લોકોને આ વેક્સીનનો પહેલો ડોઝ અપાયો છે. શનિવારે PGI રોહતકના વૈજ્ઞાનિકોએ ફેઝ-2ની પ્રક્રિયા શરૂ કરી દીધી. તેમણે 6 વધુ લોકોને વેક્સીનના ડોઝ આપ્યા. ટ્રાયલ ટીમમાં મુખ્ય ઈનવેસ્ટિગેટર ડો. સવિતા શર્માએ ન્યૂઝ એજન્સી ANIને કહ્યું કે, વેક્સીન ટ્રાયલના શરૂઆતના પરિણામ ખૂબ જ ઉત્સાહજનક રહ્યા છે.

દિલ્હી એમ્સ સામે આવી નવી મુશ્કેલી
Covaxinનું સૌથી મોટું ટ્રાયલ દિલ્હીમાં ચાલી રહ્યું છે. પહેલા ચરણમાં સંસ્થાને 100 વોલેન્ટિયર્સ પર ટ્રાયલ કરવાનું છે. સૂત્રો મુજબ, દિલ્હી એમ્સના ટ્રાયલમાં ભાગ બનવા માટે લગભગ 3500 લોકોએ રજીસ્ટ્રેશન કરાવ્યું હતું. જેમાંથી 50 ટકા અન્ય રાજ્યોથી છે. દિલ્હીમાં રહેતા મોટાભાગના વોલેન્ટિયર્સના શરીરમાં પહેલાથી જ કોરોના વિરુદ્ધ એન્ટીબોડી ઉપસ્થિત છે. તેનો મતલબ છે કે તેઓ ટ્રાયલ માટે યોગ્ય નથી. એમ્સમાં શુક્રવારે એક વ્યક્તિને વેક્સીનનો ડોઝ અપાયો હતો. તેને કોઈ પ્રકારનું રિએક્શન નહોતું આવ્યું અને બે કલાક બાદ તેને હોસ્પિટલમાંથી રજા આપી દેવાઈ.

વોલેન્ટીયર્સે ડાયરીમાં લખવાની રહેશે પરેશાની
ડોક્ટરે જણાવ્યું કે, વોલેન્ટીયર્સને એક ડાયરી આપવામાં આવી છે, જેને તે મેઈન્ટેન કરશે. જો તેને કોઈ પરેશાન થાય છે તો તેના વિશે લખવાનું છે. તેમણે કહ્યું કે, વોલેન્ટીયરને ફોલોઅપ માટે સાત દિવસ બાદ ફરીથી બોલાવવામાં આવશે. પરંતુ આ વચ્ચે તેને કોઈ પ્રકારની મુશ્કેલી થાય છે તો તે ગમે ત્યારે આવી શકે છે. આટલું જ નહીં વેક્સીન ટીમના લોકો ફોન દ્વારા તેમના સંપર્કમાં રહેશે અને રોજના હાલચાલ પૂછશે. વેક્સીનેશન બાદ તેની સેફ્ટીની રિપોર્ટ એથિક્સ કમિટીને મોકલવામાં આવશે. કમિટીના રિવ્યૂ બાદ આ ટ્રાયલને આગળ વધારવામાં આવશે.

15 જુલાઈથી શરૂ થયું ટ્રાયલભારતમાં બનેલી પહેલી કોરોના વેક્સીન Covaxinના ફેઝ 1નું ટ્રાયલ 15 જુલાઈ 2020થી શરૂ થયું હતું. એમ્સ પટના તે પહેલી ઈન્સ્ટીટ્યુટ હતી જ્યાં આ વેક્સીનના ફેઝ 1નું ટ્રાયલ સૌથી પહેલા શરૂ થયું. કોવેક્સિન એક ઈનએક્ટિવેટેડ વેક્સીન છે. આ તે કોરોના વાયરસના પાર્ટિકલ્સથી બનેલી છે જેમને મારી દેવામાં આવ્યા છે, જેથી તે ઈન્ફેક્ટ ન કરી શકે. તેના ડોઝથી શરીરમાં વાયરસ સામે એન્ટીબોડી બને છે.